Mate 20/ 20 Pro សម្ពោធម្ដងទៀតនៅខ្មែរ លើកនេះហៅសុទ្ធតែអ្នកវិនិយោគធំៗ

2018-11-14 02:33:32
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានរៀបចំកម្មវិធីជួបជុំពាណិជ្ជករចិន និងនាយកក្រុមហ៊ុនធំៗដើម្បីសម្ពោធទូរសព្ទ Mate20 និង Mate20 Pro នៅសណ្ឋាគារ Rosewood ម្ដងទៀត កាលពីថ្ងៃ៨ វិច្ឆិកា ដោយមានការបញ្ជាទិញជាច្រើនគ្រឿង ព្រមទាំងការសម្ដែង និងអាហារពេលល្ងាចជាដើម។

លោក Henry នាយកគ្រប់គ្រង Huawei ប្រចាំកម្ពុជា បានលើកឡើងថា Mate20 និង Mate20 Pro មានការទទួលស្គាល់ទាំងគុណភាព តម្លៃ ការបង្កើតថ្មី និងបច្ចេកវិទ្យាថ្មីៗ ដោយការបើកកុម្ម៉ង់លើកទី ១ អស់ស្តុកក្នុងរយៈពេលដោយខ្លី។

Mate20 មានតម្លៃ ៦៦៦ដុល្លារ រីឯ Mate20 Pro មានតម្លៃ ៨៨៨ដុល្លារ ដោយមានលក្ខណៈសម្បត្តិពិសេសជាច្រើនដូចជា៖

កាមេរ៉ា Leica ៣ គ្រាប់ ទំហំដល់ 40MP
មុខងារថតរូបបែប Ultra-Wide Angle
បន្ទះឈីប Kirin 980 7mn
ថាមពលថ្ម 4 200mAh សាកថ្ម ៧០% ត្រឹមតែ ៣០នាទី
បច្ចេកវិទ្យាបញ្ចូលថ្មឲ្យទូរសព្ទដទៃ Reversed wireless charge

Huawei បានឈរនៅលំដាប់លេខ ២ ក្នុងពិភពលោកក្នុងត្រីមាសទី ២ និងទី ៣ ក្នុងឆ្នាំ ២០១៨ ហើយក៏ជាម៉ាករបស់ក្រុមហ៊ុនចិនតែមួយគត់ ដែលស្ថិតក្នុងម៉ាកគេឲ្យតម្លៃបំផុតប្រចាំឆ្នាំ ២០១៨ មានតម្លៃ ៨,៤ ពាន់លានដុល្លារ ទទួលស្គាល់ដោយ Forbes៕