អ្នកគាំទ្រ PewDiePie កំពុងខំខ្លាំង ដើម្បីរក្សាតំណែងកំពូល YouTuber រូបនេះ
- 2018-11-15 09:14:38
- ចំនួនមតិ 0 | ចំនួនចែករំលែក 0
អ្នកគាំទ្រ PewDiePie កំពុងខំខ្លាំង ដើម្បីរក្សាតំណែងកំពូល YouTuber រូបនេះ
ចន្លោះមិនឃើញ
បច្ចុប្បន្ននេះគណនីរបស់ PewDiePie នៅតែមានចំនួន Subscriber ច្រើនលើសគេលើ YouTube ប៉ុន្តែកំពុងរងការគំរាមកំហែងខ្លាំងពីគណនី T-Series របស់ឥណ្ឌា ដោយចំនួន Subscriber គណនីនេះបន្តកើនឡើងដូចព្យុះ។
ដើម្បីជួយឲ្យ PewDiePie កាន់តំណែងកំពូលនេះបានកាន់តែយូរ និងមិនឲ្យ T-Series ផ្ដួលបានងាយៗ អ្នកគាំទ្រជាច្រើនរបស់ PewDiePie បានបង្កើតយុទ្ធនាការជួយបង្កើន Subscriber គណនីនេះ។ អ្នកគាំទ្រទាំងនោះរួមមាន ម្ចាស់គណនី YouTube ឈ្មោះ Mr. Beast ដោយរូបគេបានទិញផ្ទាំងពាណិជ្ជកម្មក្នុងស្រុក, ជួលវិទ្យុក្នុងស្រុក និងផ្សាយពាណិជ្ជកម្មលើទូរទស្សន៍ឲ្យគ្រប់គ្នាជួយ Subscribe គណនី PewDiePie។
ក៏មានអ្នកគាំទ្រដទៃទៀតដែលស្ថិតនៅក្នុងប្រទេសផ្សេងៗគ្នាជាច្រើននាំគ្នាបញ្ចេញសកម្មភាពយ៉ាងពុះពោរ ដើម្បីជួយដល់ PewDiePie។ យុទ្ធនាការទាំងនេះ ជាហេតុផលដែលធ្វើឲ្យគណនី PewDiePie មានកំណើន Subscriber ថ្មីដល់ ៣ លាននាក់ក្នុងរយៈពេល ១ ខែ។
គួរដឹងថាបច្ចុប្បន្ននេះ PewDiePie និង T-Series សុទ្ធតែមានចំនួន Subscriber ខ្ទង់ ៧០ លាននាក់ដូចគ្នា ប៉ុន្តែគណនី PewDiePie ជាអ្នកនាំមុខនៅឡើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
