ទូក «ង» ចំនួន២ បានជំនួយពីក្រុមហ៊ុន KBSK ក្នុងព្រះរាជពិធីបុណ្យអុំទូក

2018-11-17 05:45:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនKBSK បានរៀបចំកម្មវិធីចែកអំណោយឧបត្ថម្ភទូក«ង» ចំនួន២ក្នុងឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែដែលតែងតែប្រារព្ធធ្វើឡើងនៅខាងមុខព្រះបរមរាជវាំង។

ដើម្បីលើកទឹកចិត្ត លើកកម្ពស់ និងអបអរព្រះរាជពិធី ក្រុមហ៊ុនKBSKត្រៀមជាស្រេចនូវអំណោយឧបត្ថម្ភជាច្រើនដល់គណៈកម្មាធិការ កីឡាករ និងសមាជិកទូក ដែលអំណោយទាំងនោះរួមមាន អាវយឺត មួក ផលិតផលនំបំពង់Cremity នំពងមាន់Solite នំប្រៃAFC នំCosy នំឃុកឃី Lu និងទឹកប្រាក់ចំនួន១៥ដុល្លារសម្រាប់ម្នាក់ៗការផ្តល់ជូនអំណោយលើកទឹកចិត្តសម្រាប់ការប្រណាំងខាងមុខនេះ ដែលធ្វើជូនដល់ក្រុមទូក«ង»ចំនួនពីរនេះ សរុបមានចំនួន១៧០នាក់ និងគណៈកម្មាការរៀបចំទូកប្រណាំងទាំង៦នាក់។

លោក ជុង កញ្ជានា ប្រធានតំណាងពីក្រុមហ៊ុន KBSK បានឱ្យដឹងថា៖ "ការចូលរួមផ្តល់អំណោយឧបត្តម្ភដល់កីឡាករ និង គណៈកម្មាធិការទាំងពីរទូកនេះ គឺដើម្បីចូលរួមលើកកម្ពស់ និងជំរុញឱ្យមានការចូលរួមបន្ថែមពីបងប្អូនប្រជាជនកម្ពុជាសម្រាប់កីឡានេះដើម្បីអបអរព្រះរាជពិធីបុណ្យអុំទួកដែលជាពិធីបុណ្យប្រពៃណីជាតិរបស់ខ្មែរយើង"។

ពិធីប្រណាំងទូក«ង»រយៈពេលបីថ្ងៃសម្រាប់ព្រះរាជពិធីបុណ្យអុំទូក ត្រូវមានការចូលរួមសាសាមគ្គីគ្នាយ៉ាងសកម្មដើម្បីទទួលបានជ័យជំនះ។ គណៈកម្មាធិការរៀបចំ ព្រះតេជគុណ ពិន សុវ៉ុន ចៅអធិការវត្ត គៀនស្វាយក្នុង និងជាប្រធានគណៈកម្មាធិការទូកនេះ មានសង្ឃដីកាថា៖ «ជាតំណាងឱ្យគណៈកម្មាធិការរៀបចំទូក«ង» អាត្មាសូមអរគុណដល់ក្រុមហ៊ុន KBSK ដែលបានធ្វើអំណោយឧបត្ថម្ភដល់ក្រុមពួកយើង សម្រាប់ការចេញទៅចូលរួមការប្រណាំងទូក«ង»វគ្គផ្តាច់ព្រ័ត្ត នៅខាងមុខព្រះបរមរាជវាំងខាងមុខនេះ»។

ស្រដៀងគ្នានេះដែរ ទូក«ង»ដែលមាននាមថា «កំហែងសុវណ្ណកុមារមហាហង្សសែនជ័យ» បានលេចវត្តមានក្នុងការប្រណាំងក្នុងពិធីបុណ្យប្រពៃណីជាតិនេះតាំងពីសម័យសង្គមរាស្ត្រនិយមមក។ ហើយកាលពីឆ្នាំ២០១៧ កន្លងទៅ ទូក«ង»នេះ បានទទួលចំណាត់ថ្នាក់លេខ២ នៅក្នុងការប្រកួតវគ្គផ្ដាច់ព្រ័ត្រផងដែរ។

លោក កញ្ចានា បន្តថា៖ «ក្នុងនាមពួកយើងជាក្រុមហ៊ុនក្នុងស្រុក ពួកយើងមានសេចក្តីសោមនស្សរីករាយក្នុងការចូលរួមថែរក្សាវប្បធម៌ទំនៀមទំលាប់ខ្មែរ ក៏ដូចជាបណ្តុះស្មារតីជួយគ្នានិងសាមគ្គីភាពនៅក្នុងសហគមន៍យើង»៕