ក្រសួងធនធានទឹកប្រាប់ឲ្យពលរដ្ឋប្រុងប្រយ័ត្ន ខណៈព្យុះទីហ្វុង នឹងមកដល់កម្ពុជា យប់នេះ
- 2018-11-25 06:58:00
- ចំនួនមតិ 0 | ចំនួនចែករំលែក 0
ក្រសួងធនធានទឹកប្រាប់ឲ្យពលរដ្ឋប្រុងប្រយ័ត្ន ខណៈព្យុះទីហ្វុង នឹងមកដល់កម្ពុជា យប់នេះ
ចន្លោះមិនឃើញ
ក្រសួងធនធានទឹក និងឧតុនិយម បានប្រាប់ឲ្យប្រជាជនមានការប្រុងប្រយ័ត្ននៅតំបន់មួយចំនួន ដោយសារតែព្យុះទីហ្វុង (USAGI) នឹងមកដល់កម្ពុជា នាយប់នេះ។
ផ្អែកតាមសេចក្ដីប្រកាសព័ត៌មានរបស់ក្រសួងធនធានទឹក និងឧតុនិយម ចុះកាលបរិឆ្ឆេត ថ្ងៃទី ២៤ វិច្ឆិកា បានឲ្យដឹងថា កូនព្យុះ USAGI បានវិវត្តខ្លួននឹងបង្កើនឥទ្ធិពលទៅជាព្យុះទីហ្វុង ជាមួយនឹងល្បឿនអតិបរមាក្បែរផ្ចិតរបស់ព្យុះមានល្បឿន ១២០ គីឡូម៉ែត្រក្នុង១ម៉ោង និងកំពុងស្ថិតនៅក្បែរឆ្នេរភាគអាគ្នេយ៍ប្រទេសវៀតណាម។
យោងតាមការព្យាករ ព្យុះនេះ នឹងធ្វើដំណើរកាត់ភាគ ខាងត្បូងប្រទេសកម្ពុជានាយប់ថ្ងៃទី ២៥ ខែវិច្ឆិកា ២០១៨នេះ។ ឥទ្ធិពលរបស់ព្យុះ USAGI នឹងនាំមកនូវទឹកភ្លៀងធ្លាក់រាយប៉ាយក្នុងក្របខ័ណ្ឌទូទាំងប្រទេសលាយឡំជាមួយនឹងខ្យល់បក់បោកក្នុងល្បឿន ពី១៣ ទៅ ១៥ ម៉ែត្រក្នុងមួយនាទី ពិសេសនៅតំបន់ទំនាបកណ្ដាលភាគខាងត្បូង និងតំបន់មាត់សមុទ្រ (ចាប់ពីយប់ថ្ងៃទី ២៥-២៧ ខែវិច្ឆិកា ២០១៨)
សេចក្ដីជូនដំណឹងក៏បានឲ្យប្រជាជនមានការប្រុងប្រយ័ត្នដូចខាងក្រោម៖
ជំនន់ទឹកភ្លៀង៖ អាចកើតមានឡើងនៅ រាជធានី-ខេត្តមួយចំនួននៃតំបន់ទំនាបកណ្ដាលភាគខាងត្បូង និងតំបន់មាត់សមុទ្រ។ ចំពោះបងប្អូនប្រជានេសាទ និងអ្នកធ្វើដំណើរតាមសមុទ្រ ត្រូវផ្អាកសកម្មភាព ចាប់ពីថ្ងៃទី ២៥-២៧ ខែវិច្ឆិកា ដើម្បីជៀសវាងគ្រោះថ្នាក់ផ្សេងៗ ដែលអាចកើតមានឡើងជាយថាហេតុ។
សូមអានសេចក្ដីប្រកាសព័ត៌មានទាំងស្រុងខាងក្រោមនេះ