៧ ចំណុច ចំណាំទុក មូលហេតុរថយន្ត តែងបង្កគ្រោះថ្នាក់លើដងផ្លូវ

2018-11-29 01:11:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនមាននរណាម្នាក់ ចង់ឲ្យកើតមានការប៉ះទង្គិចគ្នាលើដងផ្លូវនោះទេ ព្រោះត្រូវការចំណាយលើការជួសជុលទាំងរបស់ខ្លួនឯង និងអ្នកដទៃ ហើយបើកាន់តែធ្ងន់ធ្ងរ អាចធ្វើឲ្យមានរបួស ឬស្លាប់បាន។ ការស្វែងយល់ពីដើមហេតុ អាចបង្កឲ្យមានគ្រោះថ្នាក់ អាចជួយពញ្ញាក់អារម្មណ៍អ្នកបើកបរ មានការការពារគ្រប់ពេល ពេលកាន់ដៃចង្កូត។

១) ល្បឿន

ការប្រើល្បឿនហួសកំណត់ទាំងផ្លូវក្នុង ឬក្រៅក្រុង អាចធ្វើឲ្យលទ្ធភាពគ្រប់គ្រងរថយន្តមានការថយចុះ ជាពិសេសពេលជួបឧបសគ្គកាត់ពីមុខរថយន្ត ដូចជាក្មេងៗរត់ឆ្លងផ្លូវជាដើម។

២) ការរំខាន

ស្មាតហ្វូនបានក្លាយជាផ្នែកសំខាន់មួយ ចំពោះអ្នកប្រើប្រាស់ទូទៅ។ ចំណុចមិនល្អនោះគឺ ការប្រើស្មាតហ្វូន អំឡុងពេលបើកបរ ធ្វើឲ្យបាត់បង់ការផ្ដោតអារម្មណ៍លើដងផ្លូវ រួមមាន ជាប់រវល់ក្រឡេកមើលសារ។

៣) អាកាសធាតុមិនល្អ

មេឃភ្លៀងខ្លាំងក៏អាចបង្កើនហានិភ័យគ្រោះថ្នាក់បានដែរ ព្រោះពិបាកនឹងមើលស្ថានភាពផ្លូវឆ្ងាយ។

៤) ជាតិស្រវឹង

បើកបរមានសារជាតិស្រវឹងក្នុងខ្លួន មានហានិភ័យខ្ពស់ណាស់អំឡុងពេលបើកបរ ដោយបាត់បង់ស្មារតីម្ចាស់ការទាំងលើខ្លួនឯង និងយានយន្ត។

៥) ពេលយប់

ផ្លូវងងឹតពេក អាចបង្កើនឱកាសគ្រោះថ្នាក់បាន ព្រោះមើលមិនសូវច្បាស់ ត្បិតថាមានភ្លើងចង្កៀងរថយន្តបំភ្លឺផ្លូវ ប៉ុន្តែមិនបានគ្រប់ជ្រុងជ្រោយដូចនឹងទិដ្ឋភាពពេលថ្ងៃនោះឡើយ។

៦) បើកបរទៅមុខ ពេលភ្លើងក្រហម

ពេលបើកបរដល់ភ្លើងស្តុបពណ៌ក្រហមគួរតែឈប់ ដោយសារភាគច្រើនត្រង់ចំណុចនោះជាចំណុចប្រសព្វមានលំហូរចរាចរណ៍កាត់គ្នា បើបំពាន ពេលដល់សិទ្ធម្ខាងទៀត អាចមានបញ្ហា។

៧) បើកបរដោយអត់ងងុយ ការនឿយហត់អស់កម្លាំង ល្វើយ កើតឡើងដោយសារការធ្វើការយូរម៉ោងពេក ផឹកកាហ្វេច្រើនពេក និងការគេងមិនគ្រប់គ្រាន់។ ការងោកត្រឹមបន្តិច អំឡុងពេលបើកបរ អាចបង្កើនឱកាសគ្រោះថ្នាក់បាន ដែលតម្រូវឲ្យមានការយកចិត្តទុកដាក់គ្រប់វិនាទី។

ព្យាយាមនៅឆ្ងាយពីចំណុចទាំងនេះ អាចជួយកាត់បន្ថយកម្រិតគ្រោះថ្នាក់បានច្រើន។ បើកបរគោរពច្បាប់ចរាចរណ៍ គោរពអ្នករួមដំណើរលើដងផ្លូវ មិនបើកបរក្នុងស្ថានភាពស្រវឹង បង្កើនកម្រិតប្រុងប្រយ័ត្នបើកបរពេលភ្លៀងខ្លាំង ឬពេលយប់៕