រកឃើញ ៧ក្រុមបន្ថែមបានឡើងទៅវគ្គ១៦ក្រុមចុងក្រោយ UCL
- 2018-11-28 02:47:10
- ចំនួនមតិ 0 | ចំនួនចែករំលែក 0
រកឃើញ ៧ក្រុមបន្ថែមបានឡើងទៅវគ្គ១៦ក្រុមចុងក្រោយ UCL
ចន្លោះមិនឃើញ
Champions League កាលពីយប់មិញបានបញ្ចប់ការប្រកួតទី៥នៃពូល E F G H ក្នុងនោះគេក៏បានរកឃើញក្រុម៧បានឈានទៅវគ្គ១៦ក្រុមចុងក្រោយ។ កាលពីសប្ដាហ៍ទី៤ Barcelona គឺជាក្រុមតែ១គត់ដែលមានឱកាសឡើងទៅវគ្គ១៦ក្រុម ក្រោយមាន១០ពិន្ទុដាច់លើកំពូលតារាង ប៉ុន្តែពេលនេះមាន៧ផ្សេងទៀតបានឡើងជាមួយពូកគេដែរហើយ។
ពូលE
ក្រុមរបស់អាល្លឺម៉ង់ Bayern Munich និងក្រុមរបស់ហូឡង់ Ajax បានដឹកដៃគ្នាទៅវគ្គបន្តហើយ ក្រោយឈ្នះយប់មិញដូចគ្នា។ Bayern បានលត់ Benfica ៥-១ ខណៈ Ajax ឈ្នះ AEK Athens ២-០។
ពូលF
ទោះប្រកួតស្មើគ្នាជាមួយក្រុមលេខ២ Lyon តែក្រុមមកពីអង់គ្លេស Manchester City នៅតែអាចឡើងទៅវគ្គ១៦ក្រុមចុងក្រោយ។ Man City កំពុងមាន១០ពិន្ទុក្នុងដៃ ស្របពេល Lyon មានតែ៧ពិន្ទុត្រូវរងចាំការប្រកួតចុងក្រោយជាមួយក្រុមលេខ៣ Shaktar Donetskdដើម្បីកាត់សេចក្ដីក្រុមណានឹងឡើងទៅបន្ត។
ពូលG
សម្រាប់ពូលនេះក្រុមជើងឯក១៣សម័យ Real Madrid ក៏បានឡើងទៅវគ្គ១៦ក្រុមដែរ ជាមួយ Roma។ Viktoria Plzen របស់ឆេកនិង CSKA Moscow របស់រុស្សីបានធ្លាក់ចេញបាត់ទៅហើយ ក្រោយ៥ប្រកួតមានតែ៤ពិន្ទុដូចគ្នា។ តែយ៉ាងណាក្រុមទាំងពីរនៅមានឱកាសប្រជែងគ្នាយកកៅអីលេខ៣ បានទៅលេងនៅ Europa League។
ពូល H
បន្ទាប់ពីឈ្នះដូចគ្នាយប់មិញ Juventus និង Manchester United បានកាន់ដៃគ្នាទៅវគ្គបន្តហើយ។ ឯ Valencia សល់ឱកាសទៅលេងនៅ Europa League និង Young Boys ត្រូវត្រលប់ទៅផ្ទះវិញ៕