ឡាន Pickup អាមេរិក រូបរាង​ប្លែក​ មិន​ខ្ចី​ប្រើ​សាំង​​

  • 2018-11-28 03:53:45
  • ចំនួនមតិ 0 | ចំនួនចែករំលែក 3

ចន្លោះមិនឃើញ

​​​ក្រុមហ៊ុន​រថយន្ត​ Rivian របស់​សហរដ្ឋអាមេរិក​ បាន​បង្ហាញ​នូវ​រូបរាង​រថយន្ត​ Pickup អគ្គិសនី​​ម៉ូដែល​ R1T ដែល​មាន​រូបរាង​ប្លែក​បំផុត ខុស​ពី​រថយន្ត​ដទៃ​ទៀត។

រថយន្ត​ R1T នេះ​មាន​បំពាក់​ដោយ​ម៉ូទ័រ​អគ្គិសនី​ចំនួន​ ៤ ដោយ​ម៉ូទ័រ​នីមួយៗ​មាន​កម្លាំង​ ១៤៧ គីឡូវ៉ាត់។ សាក​បំពេញ​ម្ដង​រថយន្ត​នេះ​អាច​បើកបរ​បាន​ចម្ងាយ​​ចាប់​ពី​ ៣៧០ គ.ម ​ដល់​ ៦៤០ គ.ម អាស្រ័យ​លើ​​ជម្រើស​​​កម្លាំង​អាគុយ ដែល​មាន​បី​ជម្រើស​ឲ្យ​ជ្រើស​រើស។

ជា​មួយ​ម៉ូទ័រ​អគ្គិសនី​ដល់​ទៅ ៤ រថយន្ត​ R1T នេះ​អាច​ធ្វើ​ការ​អូសទាញ​បាន​ដល់​ទម្ងន់​ជិត ៥ តោន​ឯណោះ។ លើ​រថយន្ត​នេះ​ក៏​មាន​បំពាក់​​មុខងារ​សុវត្ថិភាព​ដូច​ជា​​ពោង​សុវត្ថិភាព​ចំនួន ៨ និង​​ប្រព័ន្ធ​ការពារ​អាគុយ​ដែល​មាន​សមត្ថភាព​ខ្ពស់​បំផុត។

រថយន្ត​ R1T នឹង​ចេញ​លក់​នៅ​ចុង​ឆ្នាំ ២០២០ ខាង​មុខ​នេះ ជា​មួយ​តម្លៃ​ចាប់​​ពី ៦១ ៥០០ ដុល្លារ​ឡើង​ទៅ។ នេះ​បើ​តាម​ការ​ប្រកាស​របស់​ក្រុមហ៊ុន​ Rivian៕​​​

ចុចអាន៖


ប្រភព៖ The Drive   ប្រែ​សម្រួល៖ សុខហេង