ចិនបង្ហាញមហិច្ឆតាសង់រថភ្លើងល្បឿនលឿនក្រោមទឹកដំបូងគេបង្អស់
- 2018-11-29 01:54:17
- ចំនួនមតិ 0 | ចំនួនចែករំលែក 0
ចិនបង្ហាញមហិច្ឆតាសង់រថភ្លើងល្បឿនលឿនក្រោមទឹកដំបូងគេបង្អស់
ចន្លោះមិនឃើញ
រដ្ឋាភិបាលក្រុងប៉េកាំង បានបង្ហាញភ្លើងខៀវលើគម្រោងសាងសង់ផ្លូវរថភ្លើងល្បឿនលឿនក្រោមទឹកដំបូងបង្អស់ក្នុងប្រទេស។
ផ្លូវរថភ្លើងល្បឿនលឿនមួយខ្សែនេះ នឹងតភ្ជាប់ពីទីក្រុងជាប់មាត់សមុទ្រ Ningbo ទៅកាន់ទីក្រុង Zhoushand នៅប្រជុំកោះភាគខាងកើត។ គម្រោងដែលបានស្នើនេះ គឺជាផ្នែកមួយនៃគម្រោងផ្លូវរថភ្លើងប្រវែង ៧៧គីឡូម៉ែត្រដើម្បីបង្កើនទេសចរនៅក្នុងខេត្ត Zhejiang។ ក្នុងរយៈចម្ងាយ ៧៧គីឡូម៉ែត្រនេះ ផ្លូវប្រវែង ៧០,៩២គីឡូម៉ែត្រនឹងត្រូវសាងសង់ថ្មី ខណៈ ១៦,២គីឡូម៉ែត្រទៀតនឹងត្រូវសាងសង់ក្រោមសមុទ្រ។
គួរឲ្យដឹងថា ខ្សែរថភ្លើងថ្មីនេះ នឹងអាចឲ្យរថភ្លើងរត់ក្នុងល្បឿន ២៥០ គីឡូម៉ែត្រក្នុងមួយម៉ោងនិងចំណាយពេលត្រឹម ៨០នាទីប៉ុណ្ណោះ ខណៈមធ្យោបាយសព្វថ្ងៃត្រូវចំណាយពេលពី ២ ទៅ៤ម៉ោងឯណោះ៕