ចម្លែកម្ល៉េះ! ភ្ញៀវម្នាក់នៅជប៉ុនចូលហាងមួយ ជិត៦លានដងក្នុងរយៈពេល៦សប្ដាហ៍
- 2018-12-01 08:57:02
- ចំនួនមតិ 0 | ចំនួនចែករំលែក 0
ចម្លែកម្ល៉េះ! ភ្ញៀវម្នាក់នៅជប៉ុនចូលហាងមួយ ជិត៦លានដងក្នុងរយៈពេល៦សប្ដាហ៍
ចន្លោះមិនឃើញ
ប៉ូលីសបាននិយាយថា បុរសម្នាក់ត្រូវបានឃាត់ខ្លួនពីបទឆបោក ដោយបាន check-in តាមរយៈអនឡាញនៅហាង Muji ស្ទើរគ្រប់សាខានៅទ្វីបទាំង៣ ដែលបុរសរូបនោះមិនដែលឈានជើងមួយជំហានចេញពីផ្ទះរបស់ខ្លួននៅ ហុកកៃដូ។ នេះបើតាម Soranews24 របស់ជប៉ុនទើបបានចុះផ្សាយ។
ហាងលក់រាយជាច្រើននៅប្រទេសជប៉ុនមានកម្មវិធីភក្ដីភាពចំពោះអតិថិជនមិនត្រឹមតែសម្រាប់អ្នកដែលទៅហាងដោយផ្ទាល់ទេ សូម្បីតែចូលទៅកាន់គេហទំព័ររបស់ពួកគេ ក៏អតិថិជនទទួលបានរង្វាន់សម្រាប់ការសន្សំពិន្ទុ១យ៉េន ក្នុង១លើក។
យោងតាមប៉ូលីស បុរសម្នាក់ឈ្មោះ Sugano វ័យ២៩ឆ្នាំត្រូវបានប៉ូលីសឃាត់ខ្លួន នៅពេលព្យាយាមបន្លំចូលទៅកាន់សាខាទាំង ៩០៩ របស់ Muji នៅទូទាំងប្រទេសជប៉ុន អាមេរិកខាងជើង និង អឺរ៉ុប។
ចន្លោះពីថ្ងៃទី១២ ខែមេសា ដល់ ថ្ងៃទី ៣០ ខែឧសភា Sugano បានចូលទៅកាន់ហាង Muji ដែលជាហាងលក់រាយរាប់តាំងពីសម្ភារៈការិយាល័យរហូតដល់គ្រឿងផ្គត់ផ្គង់ក្នុងផ្ទះចំនួន ៥,៦២ លានដង នាំឲ្យរូបគេបាន៥,៦២ លានពិន្ទុ ឬ ស្មើនឹង ៥,៦២ លានយ៉េន (ប្រហែល ៤៩ ៧៣៥ ដុល្លារ) ក្នុងរយៈពេល៦សប្តាហ៍។
ប៉ូលីសបន្ថែមថា Sugano ត្រូវបានចាប់ខ្លួនពីបទឆបោកក្រោយរកឃើញថា បុរសរូបនេះបានប្រើប្រាស់គណនីរបស់ Muji ចំនួន ៣០០ ផ្សេងៗគ្នា ចេញពី៤៥កុំព្យូទ័រនៅក្នុងផ្ទះរបស់លោក៕