អតីតប្រធានាធិបតីទី៤១របស់អាមេរិក ទទួលមរណភាពគួរឲ្យសោកស្ដាយបំផុត
- 2018-12-01 06:06:15
- ចំនួនមតិ 0 | ចំនួនចែករំលែក 0
អតីតប្រធានាធិបតីទី៤១របស់អាមេរិក ទទួលមរណភាពគួរឲ្យសោកស្ដាយបំផុត
ចន្លោះមិនឃើញ
អតីតប្រធានាធិបតីទី៤១របស់សហរដ្ឋអាមេរិកគឺលោក George Herbert Walker Bush បានទទួលមរណភាពហើយក្នុងវ័យ ៩៤ឆ្នាំ។
យោងតាមសេចក្ដីថ្លែងការណ៍របស់ការិយាល័យលោក Bush បញ្ជាក់ថាលោកបានស្លាប់កាលពីវេលាម៉ោង ១១:១០នាទីយប់ថ្ងៃសុក្រទី៣០ខែវិច្ឆិកានេះនៅផ្ទះរបស់ខ្លួនក្នុងទីក្រុង Kennebunkport រដ្ឋ Maine។ យ៉ាងណាមិញ ក្នុងសេចក្ដីថ្លែងការណ៍នេះ មិនបានបញ្ជាក់ពីមូលហេតុនៃការស្លាប់នោះទេ ប៉ុន្តែលោក Bush ត្រូវបានរាយការណ៍ថាមានជំងឺផាកឃីនសុន (Parkinson) ហើយត្រូវបញ្ជូនទៅកាន់មន្ទីរពេទ្យជាច្រើនលើកក្នុងរយៈប៉ុន្មានឆ្នាំចុងក្រោយនេះ។ រយៈប៉ុន្មានថ្ងៃមុនពេលស្លាប់ លោក Bush ត្រូវបានបញ្ជូនទៅកាន់មន្ទីរពេទ្យដោយសារសម្ពាធឈាមទាប។
គួរឲ្យដឹងថា លោក Bush គឺជាអតីតយុទ្ធជនសង្គ្រាមលោកលើកទី ២ចុងក្រោយគេបង្អស់ដែលបានឡើងកាន់តំណែងជាប្រធានាធិបតីអាមេរិក និងធ្លាប់ធ្វើជាអនុប្រធានាធិបតីបន្ទាប់ពីលោក Ronald Reagan, ជានាយក CIA, ជាឯកអគ្គរាជទូតប្រចាំអង្គការសហប្រជាជាតិ និងសមាជិកសភាអាមេរិកតំណាងរដ្ឋតិចសាស់ផងដែរ៕