ចាប់ខ្លួនរាប់រយនាក់នៅទីក្រុងប៉ារីស ក្រោយផ្ទុះការតវ៉ារឿងប្រេងឡើងថ្លៃ

2018-12-02 02:58:26
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាង ២០០នាក់ត្រូវបានចាប់ខ្លួន និងច្រើននាក់ផ្សេងទៀតរងរបួសក្នុងទីក្រុងប៉ារីសក្រោយមានការតវ៉ាកាលពីថ្ងៃសៅរ៍បណ្ដាលឲ្យមានការប៉ះទង្គិចរវាងប៉ូលិស និងក្រុមបាតុករ។

យោងតាមអ្នកនាំពាក្យប៉ូលិសឲ្យ CNN ដឹងថា យ៉ាងហោចណាស់មនុស្ស ៩២នាក់បានរងរបួសរួមទាំងមន្ត្រីប៉ូលិស ១៤នាក់ ក្រោយក្រុមអ្នកតវ៉ាលើកគ្នាមកពេញទីក្រុងដើម្បីប្រឆាំងនឹងការឡើងថ្លៃប្រេង និងពន្ធលើមធ្យោបាយធ្វើដំណើរផ្សេងៗ។ ចំណែកឯក្រសួងមហាផ្ទៃបារាំង ឲ្យដឹងថាការតវ៉ាកាលពីថ្ងៃសៅរ៍ គឺជាការតវ៉ាជាប់ៗគ្នារយៈពេល ៣សប្ដាហ៍ហើយ បើទោះជាអ្នកចូលរួមមានប្រហែល ៣៦ ៥០០ នាក់ទូទាំងប្រទេសដែលតិចជាងកាលពីសប្ដាហ៍មុន។ កាលពីសប្តាហ៍មុនអ្នកចូលរួមមានប្រហែល ៥៣ ០០០ នាក់ និងមានប្រហែល ១១៣ ០០០ នាក់នៅសប្ដាហ៍ដំបូង។

គួរឲ្យដឹងថា ការតវ៉ានេះ ត្រូវធ្វើឡើងក្រោយមានការដំឡើងថ្លៃប្រេងជាង ២០%នៅពាក់កណ្ដាលឆ្នាំដំបូងពី ៦០ដុល្លារក្នុងមួយបារ៉ែល (ធុងចំណុះ ២០០លីត្រ) ទៅ ៨៦,០៧ ដុល្លារក្នុងមួយបារ៉ែលកាលពីខែតុលា៕