ស្លុតចិត្ត បើដឹងតម្លៃ Nick Jonas និង Priyanka Chopra ចំណាយលើពិធីរៀបការ

2018-12-03 07:20:06
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅចុងសប្ដាហ៍មុននេះ តារាចម្រៀង Nick Jonas និងតារាសម្ដែង Priyanka Chopra បានធ្វើពិធីរៀបអាពាហ៍ពិពាហ៍របស់ពួកគេយ៉ាងអធិកអធមនៅក្នុងប្រទេសឥណ្ឌា។ ជាមួយគ្នានោះដែរ ចំនួនទឹកប្រាក់ដែលបានចំណាយលើពិធីដ៏ធំដំមួយនេះ ក៏ត្រូវបានបង្ហាញ។

ចំណាយលើពិធីអាពាហ៍ពិពាហ៍ និងការស្នាក់នៅ (ប្រហែល ៤៦១ ០០០ដុល្លារ)

ដូចដែលបានគ្រោងទុក តារាចម្រៀង Nick Jonas និងភរិយារបស់លោក Priyanka Chopra បានធ្វើពិធីរៀបអាពាហ៍ពិពាហ៍តាមបែបអឺរ៉ុប និងតាមប្រពៃណីឥណ្ឌានៅក្នុងវាំង Umaid Bhawan នៃប្រទេសឥណ្ឌា។ បើតាមសារព័ត៌មានប្រចាំប្រទេសឥណ្ឌាបានឲ្យដឹងថា គូស្នេហ៍មួយគូនេះ បានជួលវាំងមួយនេះទាំងមូលសម្រាប់ពិធីអាពាហ៍ពិពាហ៍របស់ពួកគេដែលប្រព្រឹត្តឡើងចាប់ពីថ្ងៃទី ២៩ ខែវិច្ឆិកា រហូតដល់ថ្ងៃទី ០៣ ខែធ្នូ ក្នុងតម្លៃជាង ៨ ម៉ឺនដុល្លារក្នុង ១ យប់ និងសម្រាប់ម្ហូបអាហារទទួលភ្ញៀវវិញ ក្នុង១មុខ មានតម្លៃជាង ៨៦ ដុល្លារ។

ចំណាយលើពិធីមុនថ្ងៃរៀបការ (ប្រហែល ៦១ ០០០ដុល្លារ)

កម្មវិធីប្រពៃណីដូចជា Haldi, Sangeet និង Mehendi គឺដំបូងឡើយគម្រោងប្រារព្ធធ្វើឡើងនៅ Mehrangarh Fort នោះទេ ប៉ុន្តែដោយសារហេតុផលរក្សាសុវត្ថិភាព ទើបសម្រេចចិត្តប្ដូរមកធ្វើក្នុងវាំងដដែលនេះវិញ។ ក្នុងការប្រារព្ធពិធីបុណ្យប្រពៃណីទាំង៣នេះ ត្រូវចំណាយប្រាក់ប្រហែល ៦១ ០០០ដុល្លារ។

ចំណាយលើសំបុត្រយន្តហោះ (សំបុត្រទៅមកតម្លៃប្រហែល ១ ៣០០ដុល្លារ និងចន្លោះពី ៨ ០០០ ទៅ ២១ ០០០ដុល្លារសម្រាប់ជើងហោះហើរពិសេស)

គូស្នេហ៍តារាមួយគូនេះ បានហោះហើរពីទីក្រុងញ៉ូយ៉កមកប្រទេសឥណ្ឌានៅចុងខែវិច្ឆិកាកន្លងទៅនេះ ដើម្បីរៀបចំពិធីរៀបការរបស់ពួកគេ។ ដើម្បីធ្វើដំណើរពីទីក្រុងញ៉ូយ៉កទៅកាន់ទីក្រុង Jodhpur ពួកគេត្រូវការជើងហោះហើរចំនួន២ ដោយជើងហោះហើរទី ១ ត្រូវប្ដូរនៅទីក្រុង Mumbai ឬក៏នៅ ទីក្រុង New Delhi៕