អ្នកទស្សនាជាង ១ម៉ឺននាក់ចូលទស្សនាពិព័រណ៍ ITET ម្សិលមិញ
- 2014-11-16 17:50:31
- ចំនួនមតិ 0 | ចំនួនចែករំលែក 0
អ្នកទស្សនាជាង ១ម៉ឺននាក់ចូលទស្សនាពិព័រណ៍ ITET ម្សិលមិញ
ចន្លោះមិនឃើញ
អ្នកទស្សនាជាង ១ ម៉ឺននាក់បានចូលមកទស្សនាការតាំងពិព័រណ៍ព័ត៌មានវិទ្យា បច្ចេកវិទ្យា និងទូរគមនាគមន៍ ITET 2014 កាលពីម្សិលមិញនេះដែលជាថ្ងៃទីពីរ។
អ្នករៀបចំកម្មវិធី លោក កែវ ឧត្តម បានឲ្យដឹងថា សម្រាប់ថ្ងៃទីពីរមានទស្សនិកជនយ៉ាងច្រើនកុះករបានចូលទស្សនា ដែលធ្វើឲ្យទិដ្ឋភាពសាលតាំងពិព័រណ៍មានភាពកកកុញ និងនៅតាមស្តង់ក្រុមហ៊ុននានាក៏មានមនុស្សជាច្រើនចូលទស្សនា។
“តាមការស្មានមានអ្នកចូលទស្សនាពី ១ ម៉ឺន ទៅ ១ម៉ឺនប្រាំពាន់នាក់កាលពីម្សិលមិញនេះ"។
លោកបន្តថា នៅតាមកន្លែងផ្ញើកង់ម៉ូតូទាំង ៣ ទីតាំង ដែលទុកសម្រាប់ភ្ញៀវគឺណែនណាន់តាន់តាប់។
អ្នករៀបចំរូបនេះបញ្ជាក់ថា អ្វីធ្វើឲ្យភ្ញៀវចាប់អារម្មណ៍ខ្លាំងសម្រាប់ពិព័រណ៍ ITET ដោយសារមានការតាំងបង្ហាញផលិតផលបច្ចេកវិទ្យាដ៏សំបូរបែប ដែលធ្វើឲ្យអ្នកទស្សនាចង់ដឹងនិងចង់សិក្សាស្វែងយល់។ ជាពិសេសក្នុងកម្មវិធីនោះក៏មានការសំដែងសិល្បៈទស្សនីយភាព ការលេងល្បែងកម្សាន្តដើម្បីឈ្នះរង្វាន់ រួមទាំងមានការលក់ទំនិញបញ្ចុះតម្លៃ។
ពិព័រណ៍ព័ត៌មាន បច្ចេកវិទ្យានិងទូរគមនាគមន៍រៀបចំឡើងរយៈពេល ៣ ថ្ងៃ ចាប់ពីថ្ងៃ ១៤ ដល់ ១៦ វិច្ឆិកា នៅសាលពិព័រណ៍កោះពេជ្រ។ ពិព័រណ៍នេះរៀបចំឡើងដោយសហព័ន្ធទំនាក់ទំនងបច្ចេកវិទ្យាព័ត៌មានកម្ពុជា និងរួមសហការជាមួយក្រសួងប្រៃសនីយ៍ និងទូរគមនាគមន៍កម្ពុជា។
លោក កែវ ឧត្តម រំពឹងទុកថា ពិព័រណ៍រយៈពេល ៣ ថ្ងៃនេះ នឹងអាចទាក់ទាញអ្នកចូលរួមប្រហែល ៣ ម៉ឺននាក់។ លោកបញ្ជាក់ថា នៅឆ្នាំក្រោយ គ្រោងរៀបចំឲ្យកាន់តែធំជាងនេះ ជាពិសេសក៏នឹងអញ្ជើញក្រុមហ៊ុនមកពីប្រទេសក្នុងតំបន់ចូលរួមផងដែរ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
