មកដឹងតម្លៃ Mercedes-AMG G63 ស៊េរី ២០១៩

2018-12-08 09:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Mercedes ទើបបានប្រកាសបញ្ចេញរថយន្តSUV ជំនាន់ថ្មីរបស់ខ្លួនគឺ AMG G63 ដែលមានរូបរាងសង្ហាបែបស្ព័រដដែលមិនចាញ់ម៉ូឌែលមុនៗឡើយ។

AMG G63 បំពាក់មកជាមួយអំពូលបំភ្លឺផ្លូវ LED headlights រួមជាមួយបាណ៉ាខាងមុខយ៉ាងទាក់ទាញ។ វាក៏មានបង្កប់កាមេរ៉ាសេនស័រនៅខាងមុខ និងចំហៀងនិងបច្ចេកវិទ្យា Active parking assist សម្រាប់ជាជំនួយដល់ការចត ឬមើលជុំវិញរថយន្តជាដើម។

ចំណែកផ្នែកខាងក្នុង បំពាក់អេក្រង់បង្ហាញព័ត៌មានទំហំធំ ១២,៣ អ៊ីញ ជាមួយនិងឧបករណ៍បំពងសំឡេង ១៥ ជាប្រព័ន្ធសំឡេង Burmester surround system ឯដំបូលកញ្ចក់អាចទាញ ឬរុញបើកបាន។

ក្រៅពីនោះ នៅមានការកម្សាន្តជាមួយប្រព័ន្ធឆ្លាតវៃ ដែលភ្ជាប់ជាមួយអ៊ីនធើណិតបានដូចជា កម្មវិធីចម្រៀង Apple Music ឬ វីដេអូ Youtube ភ្ជាប់ជាមួយប្រព័ន្ធផ្កាយរណប ភ្ជាប់ការប្រើកុំព្យូទ័រ និងមានភ្ជាប់ជាទូរទស្សន៍ ជាដើម។

រថយន្តដែលផលិតដោយក្រុមហ៊ុនអាឡឺម៉ង់ Mercedes ត្រកូល AMG ម៉ូដែល G63 ជារថយន្តស្ព័រ បើកដំបូលបាន មានម៉ាស៊ីនទំហំ ៤ លីត្រ ប្រភេទ bi-Turbo ស៊ីឡាំង ៨ ប្រភេទ V ដែលអាចបង្កើនអានុភាពបានដល់ ៤២០ សេះបង្កើនល្បឿនពី ០ ទៅ ១០០ គ.ម/ម៉ ប្រើពេល ៤,៥ វិនាទីតែប៉ុណ្ណោះ ហើយអាចរត់បានរហូតដល់ទៅល្បឿន ៣០២ គ.ម/ម៉។

សម្រាប់ទីផ្សារប្រទេសអូស្រ្តាលី និងអាស៊ិបា៉ស៊ីភិច Mercedes G-Wagon មានតម្លៃប្រមាណជា ២៤៧,៧០០ ដុល្លារ។

#វីដេអូ reviews នៅខាងក្រោមនេះ៖