ប៉ូលិសឌុយបៃអាចជិះម៉ូតូហោះប្រតិបត្តិការនៅឆ្នាំ២០២០ (វីដេអូ)

2018-12-09 02:12:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កងកម្លាំងប៉ូលិសនៅទីក្រុងឌុយបៃដែលល្បីល្បាញមានការងារប្លែកៗត្រូវបានគេចាប់អារម្មណ៍ទៀតហើយដោយពួកគេកំពុងហ្វឹកហាត់ជិះម៉ូតូហោះហើយតាមការគ្រោងទុកអាចនឹងជិះហោះហើរស្រាប់ប្រតិបត្តិការនៅឆ្នាំ២០២០។

រូបភាពហ្វឹកហាត់

យោងតាមប្រភព CNN បានផ្សាយថា ក្រុមហ៊ុន Hoversurf បានចាប់ផ្តើមផលិតម៉ូតូហោះតាំងពីឆ្នាំ២០១៧សម្រាប់កងកម្លាំងប៉ូលិសឌុយបៃ។ ពេលនេះ ម៉ូតូហោះប្រភេទ S3 2019 Hoverbike មួយចំនួនបានដល់ដៃកងកម្លាំងប៉ូលិសហើយដោយពួកគេក៏បានចាប់ផ្តើមហ្វឹកហាត់ហើយដែរ។ ដូច្នេះមានន័យថា នៅពេលខាងមុខប៉ូលិសទីក្រុងឌុយបៃនឹងជិះម៉ូតូហោះហើរនៅលើអាការដើម្បីប្រតិបត្តិការ។

អធិការប៉ូលិសផ្នែកស៊ើបអង្កេតនៅទីក្រុងឌុយបៃលោក Brigadier Khalid Nasser Alrazooqi គ្រោងឲ្យមានម៉ូតូហោះសម្រាប់ប្រតិបត្តិការនៅឆ្នាំ២០២០ខាងមុខ ប៉ុន្តែលោកក៏មានការបារម្ភដែរដោយសារលំហសម្រាប់ជិះម៉ូតូហោះហើរលំបាក។

ទោះបីជាយ៉ាងណា រហូតដល់ពេលនេះក្រុមប៉ូលិសទើបតែចាប់ផ្តើមហ្វឹកហាត់បានមួយរយៈពេលខ្លីប៉ុណ្ណោះដោយសារតែពួកគេទើបទទួលបាន២គ្រឿងប៉ុណ្ណោះ។ ពួកគេសង្ឃឹមថា នឹងទទួលបានច្រើនគ្រឿងទៀតសម្រាប់ឆ្នាំខាងមុខ។

ម៉ូតូហោះដែលអាចហោះ និងចុះចតដោយ (eVTOL) មានតម្លៃប្រហែលជា១៥០ ០០០ដុល្លារអាមេរិក៕