Onew លាអ្នកគាំទ្រចូលធ្វើទាហានជាផ្លូវការតាមរយៈវីដេអូកាត់សក់ និងសំបុត្រខ្លី១ច្បាប់

2018-12-10 03:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលវេលាដែលបានកំណត់ក៏បានមកដល់ សម្រាប់ដំណើរលាទៅបំពេញកាតព្វកិច្ចជូនជាតិរបស់ Onew មេក្រុមមុខក្មេងរបស់ SHINee។

នៅថ្ងៃទី ១០ ខែធ្នូនេះ Onew តារាប្រុសមានឈ្មោះពិត Lee Jinki បានបង្ហោះវីដេអូកាត់សក់ដើម្បីចូលទាហាន ព្រមទាំងបង្ហាញពីសំណេរមួយខ្លីសរសេរដោយដៃផ្ទាល់ និងរូបភាពជូនជាពិសេសសម្រាប់អ្នកគាំទ្រ។

ក្នុងសំបុត្រនោះមានសេចក្ដីដូចតទៅ៖

“សុខសប្បាយទេ? ខ្ញុំត្រូវតម្រូវឲ្យសម្រាកមួយរយៈ។ ខ្ញុំតែងមានអារម្មណ៍សោកស្ដាយ និងតែងសុំទោសជាប់ក្នុងចិត្ត ប៉ុន្តែសូមថែរក្សារយៈពេលមួយរយៈសម្រាប់ខ្ញុំ ដើម្បីត្រៀមខ្លួនធ្វើអ្វីមួយឲ្យបានល្អជូនអ្នករាល់គ្នា។ ជាងនេះទៅទៀត សុខភាពគឺសំខាន់ណាស់។ ខ្ញុំនឹងបន់ស្រន់ សូមឲ្យគ្រប់គ្នាមានសុខភាពល្អ និងសប្បាយរីករាយជានិច្ច។ ខ្ញុំនឹងបន្តច្រៀង ដូចនេះប្រសិនអ្នកគិតដល់ខ្ញុំ ពីមួយថ្ងៃទៅមួយថ្ងៃ សូមស្ដាប់សំនៀងរបស់ខ្ញុំផងណា។ ខ្ញុំនឹងមកជួបអ្នកទាំងអស់គ្នាជាថ្មីម្ដងទៀត បន្ទាប់ពីខ្ញុំត្រឡប់មកវិញ។ អរគុណអ្នកទាំងអស់គ្នា ខ្លាំងបំផុត! ចាំជួបគ្នាម្ដងទៀតណា!”។

នេះជាលិខិតខ្លី ប៉ុន្តែមានន័យគ្រប់គ្រាន់សម្រាប់អ្នកគាំទ្រទាំងអស់របស់ Onew ក៏ដូចជា SHINee ទាំងអស់។ ម្យ៉ាងទោះជាយ៉ាងណា ក្រៅពីពាក្យលានេះ មេក្រុមកើតឆ្នាំ ១៩៨៩នេះ ក៏បានចេញអាល់ប៊ុមទោលដំបូង "Voice” និង វីដេអូបទចម្រៀងមានចំណងជើងថា "Blue” ជូនជាកាដូសម្រាប់អ្នកគាំទ្រ មុនខ្លួនឃ្លាតទៅឆ្ងាយដែរ៕

ទស្សនាវីដេអូនៃសកម្មភាពកាត់សក់ របស់ Onew៖