ភាសាទាំង ៤ ដែលប្រទេសភាគច្រើនប្រើប្រាស់ជាផ្លូវការ

2018-12-10 12:07:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាសាផ្លូវការ ជាភាសាដែលរដ្ឋ ឬ តំបន់ណាមួយប្រើប្រាស់សម្រាប់តាក់តែងជាច្បាប់ លិខិតរដ្ឋបាលគតិយុត្តិផ្សេងៗ។ ក្នុងពិភពលោកយើង មានប្រទេសប្រមាណជាង ៧០ប្រទេស មានភាសាផ្លូវការតែមួយគត់ ចំណែកឯជាង ១០១ប្រទេសមានភាសាផ្លូវការចំនួន ២ ឬ ច្រើនជាងនេះ។ ចំណែកភាសាទាំង ៤ខាងក្រោមនេះ ជាភាសាដែលប្រទេសជាច្រើននិយមដាក់ជាភាសាផ្លូវការរបស់ពូកគេ៖

១. ភាសាអង់គ្លេស៖ ភាសានេះ ត្រូវបានប្រទេសចំនួន ៥៩ យកធ្វើជាភាសាផ្លូវការ ដោយក្នុងនោះមាន ២៤ប្រទេសក្នុងទ្វីបអាហ្វ្រិក, ១៦ប្រទេសក្នុងទ្វីបអាមេរិក, ១២ប្រទេសក្នុងទ្វីបអូស្យានី និង ៤ប្រទេសក្នុងទ្វីបអាស៊ី។ ក្រៅពីនេះ អង់គ្លេសក៏ជាភាសាផ្លូវការក្នុងអង្គការធំៗមួយចំនួនដែរ ដូចជា អង្គការសហប្រជាជាតិ, គណៈកម្មការអូឡាំពិកអន្តរជាតិ ជាដើម។

២. ភាសាបារាំង៖ ភាសានេះជាភាសាផ្លូវការ ក្នុងប្រទេសចំនួន ២៩ ដោយក្នុងនោះ ២១ប្រទេសក្នុងទ្វីបអាហ្វ្រិក, ៥ប្រទេសក្នុងទ្វីបអឺរ៉ុប, ២ប្រទេសក្នុងទ្វីបអាមេរិក និង ១ប្រទេសក្នុងទ្វីបអូស្យានី។ បារាំងក៏ជាភាសាផ្លូវការក្នុងអង្គការអន្តរជាតិមួយចំនួនដែរ។

៣. ភាសាអារ៉ាប៖ ជាភាសាផ្លូវការក្នុង ២៧ប្រទេស ដែលក្នុងនោះ ១៤ប្រទេសក្នុងទ្វីបអាហ្វ្រិក និង ១៣ប្រទេសក្នុងទ្វីបអាស៊ី។ ប្រទេសទាំងនោះ ភាគច្រើនជាប្រទេសក្នុងសម្ព័ន្ធអារ៉ាប។