Bella បញ្ជាក់ក្ដីស្រឡាញ់ចំពោះហ្វេនកម្ពុជាជាប់មាត់ និងចាត់ទុកទីនេះដូចផ្ទះរបស់ខ្លួន

2018-12-11 04:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមានលើកទី ៣របស់ Bella Ranee នៅប្រទេសកម្ពុជា ពិតជាធ្វើឲ្យអ្នកគាំទ្ររីករាយរំភើបជាខ្លាំង ហើយរឹតតែធ្វើឲ្យតារាស្រីប្រចាំប្រទេសថៃរូបនេះកក់ក្ដៅជាងលើកមុនទៅទៀត។

បង្ហាញខ្លួនជាពិសេសក្នុងកម្មវិធីប្រគំតន្ត្រីរបស់ទូរសព្ទដៃម៉ាក Huawei កាលពីយប់ថ្ងៃទី ១០ ខែធ្នូ ឆ្នាំ ២០១៨ Bella បានធ្វើឲ្យអ្នកគាំទ្រកាន់តែផ្ដល់ក្ដីស្រឡាញ់បន្ថែម ដោយសារភាពរួសរាយរាក់ទាក់មុខ ញញឹមពព្រាយទៅកាន់គ្រប់គ្នា។ មួយវិញទៀត សម្រាប់នាង ក៏កាន់តែស្រឡាញ់អ្នកគាំទ្រថែមមួយកម្រិត និងបាននិយាយជាប់មាត់មិនលែងថាខ្លួនស្រឡាញ់កម្ពុជា។

ពេលបង្ហាញខ្លួនលើឆាកភ្លាម តារាតំណាងទូរសព្ទដៃ Huawei រូបនេះ បានស្វាគមន៍គ្រប់គ្នាជាមួយការបកស្រាយបទចម្រៀងដកស្រង់ចេញពីរឿងថ្មីរបស់នាង។ បន្ទាប់ពីនោះនាងបានសំណេះសំណាលជាមួយអ្នកគាំទ្រ ដោយនិយាយថា៖ "នឹកខ្លាំងណាស់ចា៎ នឹកទេ? អូហូ សប្បាយចិត្តខ្លាំងណាស់ដែលបានមកជួបអ្នកគ្រប់គ្នាម្ដងទៀត អ្នកទាំងអស់គ្នាគួរឲ្យស្រឡាញ់ណាស់”។

កាន់តែភ្ញាក់ផ្អើល តួស្រីក្នុងរឿង "បុព្វេសន្និវាស” រូបនេះក៏បាននិយាយដែរថា ខ្លួនពិតជាកក់ក្ដៅពេលមកកាន់ប្រទេសកម្ពុជា ហេតុនេះទើបមានអារម្មណ៍ថាទីនេះ ប្រៀបដូចផ្ទះមួយទៀតរបស់នាងដែរ ហើយនាងពិតជាស្រឡាញ់ប្រជាជនកម្ពុជាណាស់៕

ទស្សនាការសម្ដែងរបស់ Bella នៅនាទីទី ១:៥៧:០៦

អត្ថបទ៖ យី សុធារី