បង្ហាញសមត្ថភាពកូនប្រុសសម្ដេច ទៀ បាញ់ ទើបឡើងតំណែងអភិបាលខេត្តសៀមរាបក្ដៅៗ
- 2018-12-11 07:43:48
- ចំនួនមតិ 0 | ចំនួនចែករំលែក 0
បង្ហាញសមត្ថភាពកូនប្រុសសម្ដេច ទៀ បាញ់ ទើបឡើងតំណែងអភិបាលខេត្តសៀមរាបក្ដៅៗ
ចន្លោះមិនឃើញ
ឯកឧត្តម ទៀ សីហា កូនប្រុសទី២ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ត្រូវបានតែងតាំងជា អភិបាលនៃគណៈអភិបាលខេត្តសៀមរាប ក្រោមព្រះរាជបង្គាប់របស់ព្រះមហាក្សត្រនៅថ្ងៃទី៦ខែធ្នូឆ្នាំ២០១៨។ ចង់ដឹងថា អភិបាលខេត្តថ្មី នៃទឹកអង្គរនេះ មានសមត្ថភាពពិសេសយ៉ាងណា សូមអានលម្អិតខាងក្រោមនេះ៖
អតីតអភិបាលរងខេត្តសៀមរាបរូបនេះ មានកម្រិតមធ្យមសិក្សានៅសាលា Lycée Passy Saint-Honoré ។ ក្នុងរយៈពេល១០ឆ្នាំនៃការស្នាក់នៅដើម្បីបន្តការសិក្សានៅក្នុងប្រទេសបារាំង យុវជន ទៀ សីហា បានបញ្ចប់បរិញ្ញាបត្រផ្នែកពាណិជ្ជកម្ម ពីមហាវិទ្យាល័យ Passy Saint-Honoré នាទីក្រុងប៉ារីស ប្រទេសបារាំង នាឆ្នាំ២០០១។ នៅក្នុងដំណាក់កាលនេះដែរ និស្សិត ទៀ សីហា បានចូលសិក្សារយៈពេលពេញមួយឆ្នាំ នៅសាលាទាហានឈ្មោះ École Spéciale Militaire de Saint-Cyr ដែលជារាជបណ្ឌិត្យសភាយោធារបស់ប្រទេសបារាំង។
ក្រោយបញ្ចប់ការសិក្សា យុវជន ទៀ សីហា បានវិលត្រឡប់មកកាន់មាតុភូមិវិញ នាឆ្នាំ២០០១ រួចចូលបម្រើការជាមន្ត្រីកងរាជអាវុធហត្ថរាជធានីភ្នំពេញ។ ក្នុងពេលបំពេញការងារជាមន្ត្រីយោធានេះ លោកបានឆ្លៀតពេលបង្កើនសមត្ថភាពផ្នែកគ្រប់គ្រង នៅរាជបណ្ឌិតសភារដ្ឋបាលជាន់ខ្ពស់ នាឆ្នាំ២០០៧-២០០៨។
នៅឆ្នាំ២០១០-២០១៣ ស្របពេលវិវាទដីធ្លីកំពុងតែកើតឡើងស្ទើរគ្រប់រាជធានី ខេត្តក្រុង រាជរដ្ឋាភិបាលបានបង្កើតក្រុមនិស្សិតស្ម័គ្រចិត្តវាស់វែងដីធ្លីនៅទូទាំងប្រទេស ដើម្បីផ្តល់ប័ណ្ណកម្មសិទ្ធិដល់ប្រជាពលរដ្ឋ។ លុះក្រោយមកលោកត្រូវបានតែងតាំងជាប្រធានក្រុមយុវជនស្ម័គ្រចិត្តខេត្តសៀមរាប និង ត្រូវបានតែងតាំងជាប្រធានសហភាពសហព័ន្ធយុវជនកម្ពុជាខេត្តសៀមរាបផងដែរ។