សម្តេច ហ៊ុន សែន បង្ហើបពីមូលហេតុដែលនាំឲ្យសម្តេចចេះពិសាបារីនាពេលកន្លងមក

2018-12-12 07:27:20
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្តេចហ៊ុន សែន មានប្រសាសន៍ថាសម្តេចបានឈប់ពិសារបារីជាងប្រាំឆ្នាំមកហើយ និងបានរំឭកថាមូលហេតុដែលសម្តេចចេះពិសារបារីដោយសារនៅសម័យសង្គ្រាមប្រើផ្សែងបារីដើម្បីដេញមូស។

(សម្តេច ហ៊ុន សែន ពេលចុះជួបជាមួយកម្មករ-កម្មការិនី/រូបភាព៖ ហ្វេសប៊ុក សម្តេច ហ៊ុន សែន)

សម្តេចនាយករដ្ឋមន្ត្រីថ្លែងនៅក្នុងពិធីជួបសំណេះសំណាលជាមួយកម្មករ កម្មការិនី នៅខេត្តកំពង់ស្ពឺនាព្រឹកមិញថាសម្តេចបានផ្តាច់បារីបានរយៈពេលប្រាំឆ្នាំមកហើយ។ សម្តេចលើកឡើងថា៖ «បើកុំមានសង្គ្រាមខ្ញុំអត់ចេះជក់បារីទេ ពេលនោះកុំឲ្យមូសខាំពេលយើងជក់ទៅវាអត់មកជិត ពេលយើងយាមនោះណា ដ៏បន្ទាប់ទៅជក់ឆ្ងាញ់ ដ៏បន្តទៅជក់ដើម្បីគិត...កាលណាបើមិនជក់បារីវាសរសេរអត់ចេញ»។

សម្តេចបន្ថែមថា៖ «ដ៏ចុងក្រោយប្រាំឆ្នាំនេះ ដើម្បីប្តូរផ្តាច់ឈប់ជក់បារី ដាក់បារីគ្រប់កន្លែងទាំងអស់ ក្បាលដំណេកក៏មានបារី តុបាយក៏មានបារី តុកន្លែងធ្វើការក៏មានបារី...ទៅកន្លែងណាក៏មានបារី ធ្វើឯងមិនដឹង ឈប់ប្រាំដងបានដាច់»។

សម្តេច ហ៊ុន សែន បានសរសើរចំពោះយុវនារី និងយុវជនកម្ពុជាដែលភាគច្រើនមិនទទួលទានបារីហើយក៏បានសម្តេចបង្ហាញការពេញចិត្តចំពោះកិច្ចក្រាក្រសួងសុខាភិបាលក្នុងចលនាឈប់ ជក់បារី៕

អត្ថបទ៖ ទូច សុខា