Lai Kaunlin ត្រូវគេស្ញប់ស្ញែងខ្លាំង ពេលសម្ដែងយ៉ាងជឿជាក់ ទោះខោរហែកក៏ដោយ

2018-12-13 02:48:32
ចំនួនមតិ 0 | ចំនួនចែករំលែក 0

ចន្លោះមិនឃើញ

សមាជិកក្រុម Wanna One តារាចម្រៀង Lai Kaunlin ទទួលរងបទពិសោធដ៏គួរឲ្យខ្មាសអៀនមួយ ខណៈខោរបស់លោកបានរហែកយ៉ាងខ្លាំង អំឡុងពេលកំពុងសម្ដែងលើឆាកប្រគំតន្ត្រី។

អំឡុងពេលកំពុងសម្ដែងជាមួយសមាជិកផ្សេងប្រចាំក្រុម Wanna One នៅឯកម្មវិធីពានរង្វាន់ "Mnet Asian Music Awards” ប្រចាំឆ្នាំ ២០១៨ ក្នុងប្រទេសជប៉ុន តារាចម្រៀង Lai Kaunlin បានរហែកខោរបស់លោកនៅចំពោះមុខអ្នកគាំទ្ររាប់ពាន់នាក់។ បទពិសោធដ៏អាក្រក់នេះ កើតឡើងអំឡុងពេលពួកគេសម្ដែងបទ "Boomerang”។ ការរហែកនេះ អាចបណ្ដាលមកពីលោក ព្យាយាមបញ្ចេញឲ្យអស់សមត្ថភាពដើម្បីរាំឲ្យមានភាពរស់រវើកសម្រាប់អ្នកគាំទ្ររបស់ខ្លួន។

តាមរយៈវីដេអូ បានបង្ហាញឲ្យឃើញថា ការរហែកនេះ គឺមិនតូចនោះឡើយ។ ខោរបស់លោករហែកចាប់ពីកន្លែងសំខាន់ រហូតដល់ជង្គង់ខាងឆ្វេងរបស់លោក ដែលបង្ហាញសាច់ភ្លៅឃើញយ៉ាងច្បាស់។ ទោះជាយ៉ាងណាក៏ដោយ Lai Kaunlin នៅតែរក្សាលំនឹងរបស់លោក បន្តការសម្ដែងយ៉ាងស្ទាត់ជំនាញ និងជឿជាក់រហូតដល់ចប់ការប្រគំតន្ត្រីដែលប្រព្រឹត្តទៅដោយភាពជោគជ័យ។ ក្រោយឃើញបែបនេះ អ្នកគាំទ្រ និងមហាជនជាច្រើនបានអបអរ និងស្ញប់ស្ញែងចំពោះភាពអត់ធ្មត់របស់តារាចម្រៀងរូបនេះជាខ្លាំង៕

ទស្សនាវីដេអូខាងក្រោម៖