មកមើល សម្រស់បឹងផ្កាឈូកនៅអូស្ត្រាលី ស្រស់ស្អាតទាក់ភ្នែកគួរឲ្យចង់ទៅលេង (មានវីដេអូ)
- 2018-12-14 02:12:04
- ចំនួនមតិ 0 | ចំនួនចែករំលែក 0
មកមើល សម្រស់បឹងផ្កាឈូកនៅអូស្ត្រាលី ស្រស់ស្អាតទាក់ភ្នែកគួរឲ្យចង់ទៅលេង (មានវីដេអូ)
ចន្លោះមិនឃើញ
ស្ថិតនៅកណ្ដាលកោះនៃឆ្នេរភាគខាងត្បូងប្រទេសអូស្ត្រាលី បឹងពណ៌ផ្កាឈូកឈ្មោះ Hillier កំពុងទាក់ទាញភ្ញៀវទេសចរដោយសារសម្រស់ប្លែកពីគេ។
បឹង Hillier ត្រូវបានរកឃើញដោយអ្នករុករកមកពីកងទ័ពជើងទឹកកាលពីឆ្នាំ ១៨០២ ស្ថិតនៅប្រជុំកោះ Recherche។ ចំពោះមូលហេតុពិតដែលបណ្ដាលឲ្យបឹងមួយនេះ មានទឹកពណ៌ផ្កាឈូកខុសប្លែកពីគេ មិនទាន់ត្រូវបានគេដឹងនោះទេ ប៉ុន្តែមានការជជែកវែកញែកគ្នាទូទាំងពិភពលោក។ អ្នកវិទ្យាសាស្ត្រជាច្រើនឯកភាពថា វាអាចបណ្ដាលមកពីប្រភេទស្លែ និងបាក់តេរីម្យ៉ាងដែលនៅក្នុងបឹង។ ប៉ុន្តែយោងតាមគេហទំព័រផ្លូវការរបស់បឹងពណ៌ផ្កាឈូកនៃប្រទេសអូស្ត្រាលីឲ្យដឹងថា វាពិតជាមានសុវត្ថិភាពក្នុងការហែលទឹកនៅក្នុងបឹងនេះ។ បើទោះបីជាមានពណ៌ផ្កាឈូកក៏ដោយ ប៉ុន្តែទឹកមានសភាពថ្លាល្អ និងមិនមានផលប៉ះពាល់ដល់ស្បែករបស់អ្នកនោះទេ។
យ៉ាងណាមិញ សព្វថ្ងៃបឹងនេះ ត្រូវបានដាក់ការពារក្រោមកិច្ចអភិរក្សធម្មជាតិរបស់អូស្ត្រាលី ប៉ុន្តែភ្ញៀវទេសចរអាចទៅលេងបាន ក្រោមការអនុញ្ញាតពិសេសពីរដ្ឋាភិបាល៕
សូមទស្សនាវីដេអូខាងក្រោម ៖