រន្ធត់! ផ្ទុះឆេះភោជនីយដ្ឋានជប៉ុន របួសមនុស្សជាង ៤០នាក់
- 2018-12-17 02:05:50
- ចំនួនមតិ 0 | ចំនួនចែករំលែក 0
រន្ធត់! ផ្ទុះឆេះភោជនីយដ្ឋានជប៉ុន របួសមនុស្សជាង ៤០នាក់
ចន្លោះមិនឃើញ
ករណីផ្ទុះ និងឆាបឆេះដ៏ធំមួយបានកើតឡើងនៅក្នុងភោជនីយដ្ឋានមួយកន្លែង ស្ថិតក្នុងទីក្រុង Sapporo ភាគខាងជើងប្រទេសជប៉ុន។ ប៉ូលិសជប៉ុនអះអាងថា មនុស្សចំនួន ៤២នាក់បានរងរបួសនៅក្នុងហេតុការណ៍ដ៏គួរឲ្យរន្ធត់នេះ ហើយក្នុងចំណោមនោះមានម្នាក់បានរងរបួសធ្ងន់។
ហេតុការណ៍នេះបានកើតឡើងនៅវេលាម៉ោង ៨៖៣០នាទីយប់ (ម៉ោងនៅជប៉ុន) ថ្ងៃអាទិត្យ ទី១៦ ខែធ្នូ ឆ្នាំ២០១៨ ម្សិលមិញនេះ។ ទោះបីជាយ៉ាងណា គេមិនទាន់បានដឹងពីមូលហេតុដែលបណ្ដាលឲ្យផ្ទុះ និងឆាបឆេះភោជនីយដ្ឋានខាងលើឡើយ។
យោងតាមប្រភពព័ត៌មានបានឲ្យដឹងថា គេបានប្រើប្រាស់រថយន្តពន្លត់អគ្គិភ័យចំនួន ២០គ្រឿងឯណោះ។ ទូរទស្សន៍ជប៉ុន NHK បានឲ្យដឹងថា ហេតុការណ៍នេះក៏បានធ្វើឲ្យប៉ះពាល់ដល់លំនៅឋានក្បែរនោះផងដែរ៕