Smart ដាក់ឲ្យប្រើសេវា Vo-WiFi ដំបូងគេ ទោះទៅក្រៅប្រទេស តេចេញដូចលេខទូរសព្ទ

2018-12-19 10:06:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ ក្រុមហ៊ុន Smart Axiata បានប្រកាសដាក់ឲ្យប្រើប្រាស់សេវាកម្ម Smart WiFi-Calling ។ បច្ចេកវិទ្យានេះអនុញ្ញាតឲ្យអតិថិជនរបស់ Smart ដែលប្រើស៊ីម Smart 4G អាចប្រើសេវាកម្មនេះធ្វើការហៅចេញ ឬទទួលការហៅចូល និងផ្ញើសារតាមបណ្ដាញប្រព័ន្ធ WiFi ណាមួយ គ្រប់ពេលវេលាដោយភាពងាយស្រួលដូចការ ប្រើសេវាទូរសព្ទដែរ។

វិធីនេះងាយស្រួល សម្រាប់ការប្រើប្រាស់នៅកន្លែងដែលមាន សេវាទូរសព្ទខ្សោយ ឬ គ្មានសេវាតែម្ដង ក៏ដូចជាពេលការប្រើសេវា Roaming តាមរយៈការភ្ជាប់ប្រព័ន្ធ WiFi គ្រប់ទីកន្លែងនៅលើពិភពលោក។

លោក Stjepan Udovicic ប្រធានផ្នែកទីផ្សារក្រុមហ៊ុន Smart Axiata បានឲ្យដឹងថា៖ ទោះបីជាអ្នកស្ថិតនៅក្នុងទីតាំងដែលមានសេវាទូរសព្ទចល័តខ្សោយ ឬ គ្មានក៏ដោយ ឥឡូវនេះពួកគេអាចធ្វើការហៅចេញឬទទួលការហៅចូល ជាមួយការភ្ជាប់ប្រព័ន្ធ WiFi ដែលកាលពីមុន គឺមិនអាចធ្វើទៅបាន។ ការហៅចេញបែបនេះ ត្រូវបានចាត់ទុកដូចជាការហៅទូរសព្ទក្នុងស្រុកដែរ។

ឧទាហរណ៍៖ អ្នកនៅក្នុងជណ្ដើរយន្តគ្មានសេវាទូរស័ព្ទ ប៉ុន្តែមានប្រព័ន្ធ WiFi ដែលដំណើរការល្អ ដូច្នេះការហៅទូរសព្ទរបស់អ្នកនឹងរលូនដោយគ្មានភាពរអាក់រអួលដូចអ្នកដែលមានសេវាទូរសព្ទពេញតែម្ដង។

ដូចគ្នានោះដែរ ពេលអ្នកធ្វើដំណើរកំសាន្ដទៅប្រទេសសឹង្ហបុរី ឬទីកន្លែងណាក៏ដោយ នៅពេលដែលអ្នកភ្ជាប់ប្រព័ន្ធ WiFi នៅសណ្ឋាគារ ឬ អាកាសយានដ្ឋាន។ ពេលនោះ ប្រព័ន្ធក្រុមហ៊ុន Smart នឹងចាត់ទុកថាអ្នកកំពុងនៅប្រទេសកម្ពុជា។

ដូច្នេះអ្នកអាចធ្វើការហៅចេញទៅកាន់អ្នកប្រើប្រាស់ Smart ដោយការហៅចេញនេះនឹងត្រូវបានចាត់ទុកជាការហៅក្នុងស្រុកដោយគ្មានការបង់ប្រាក់បន្ថែមនោះទេ។

អញ្ចឹងបានន័យថា គ្មានការបង់ប្រាក់សម្រាប់ Roaming ក្នុងការហៅចេញ និងទទួលការហៅចូលនោះទេ។ វិធីនេះពិតជាសេវាកម្មដ៏អស្ចារ្យដែលកាន់តែងាយស្រួលសម្រាប់ការហៅរបស់អ្នក។

ទូរសព្ទមួយចំនួនដែលផលិតដោយក្រុមហ៊ុន Samsung ក្រុមហ៊ុន Huawei និង Apple អាចប្រើប្រាស់សេវា Smart WiFi Calling នេះបានហើយ។

Samsung រួមមាន Galaxy A6, Galaxy A6 Plus, Galaxy A7, Galaxy A9, Galaxy J2 Pro, Galaxy J4 Core, Galaxy J4+, Galaxy J6+, Galaxy J7, Galaxy J8, Galaxy S8, Galaxy S8+, Galaxy S9, Galaxy S9+, Galaxy Note9
Huawei រួមមាន Mate 20, Huawei Mate 20 Pro, Huawei P20, Huawei P20 Pro, Huawei Nova 3, Huawei Nova 3i, Huawei Nova 3lite
iPhone របស់ Apple រួមមាន iPhone 6 ឡើងទៅដែលមាន iOS 12.1.1

ដើម្បីដំណើរការសេវា VoWiFi គ្រាន់តែបើកឲ្យដំណើរការប្រព័ន្ធ WiFi Calling នៅក្នុង Setting ក្នុងទូរសព្ទរបស់អ្នក។

១. ប្រភេទ Android ចូលទៅ Setting -> ចុចលើ “Connection” -> ចុចលើ “Wi-Fi Calling”
២.ប្រភេទ iOS ចូលទៅ Setting -> ចុចលើ “Cellular” -> ចុចលើ “Wi-Fi Calling”

ខណៈដែលក្រុមហ៊ុន Smart បន្តផ្ដល់សេវា 4.5G នៅទូទាំងប្រទេសកម្ពុជា ការដាក់ឲ្យប្រើប្រាស់នូវសេវា Smart WiFi Calling នឹងផ្ដល់ការធានាបន្ថែមមួយកម្រិតទៀត សម្រាប់អតិថិជនរបស់ក្រុមហ៊ុន Smart និងអ្នកដែលបានភ្ចាប់សេវា Roaming ទាំងអស់ដោយមិនចាំបាច់មានភាពខ្វល់ខ្វាយ។ ដោយអាចនិយាយបានថាការភ្ជាប់ Wi-Fi នានាគឺជាផ្នែកមួយនៃសេវាទូរសព្ទរបស់ក្រុមហ៊ុន Smart។”

ក្រុមហ៊ុន Smart គឺជាប្រតិបត្តិករក្នុងប្រទេសកម្ពុជាតែមួយគត់ ដែលផ្ដល់សេវាកម្មនេះ និងជាក្រុមហ៊ុនមួយក្នុងចំណោមក្រុមហ៊ុនមួយចំនួនតូចក្នុងតំបន់ដែលផ្ដល់សេវានេះ។”

សម្រាប់ព័ត៌មានបន្ថែម និងព័ត៌មានថ្មីៗពីក្រុមហ៊ុន Smart Axiata សូមចូលទៅកាន់ទំព័រហ្វេសប៊ុករបស់Smart តាមរយៈ www.facebook.com/SmartAxiata ឬ ចូលទៅកាន់គេហទំព័រ www.smart.com.kh។

អត្ថបទ៖ រក្សា