អ្នកគាំទ្រ Arsenal គប់ Alli មួយដប តែត្រូវកីឡាករតបវិញយ៉ាងឈឺចាប់
- 2018-12-20 02:45:02
- ចំនួនមតិ 0 | ចំនួនចែករំលែក 0
អ្នកគាំទ្រ Arsenal គប់ Alli មួយដប តែត្រូវកីឡាករតបវិញយ៉ាងឈឺចាប់
ចន្លោះមិនឃើញ
ខ្សែបម្រើប្រយុទ្ធរបស់ Spurs កីឡាករ Dele Alli ត្រូវបានអ្នកគាំទ្រកាំភ្លើងធំគប់មួយដបទឹកសុទ្ធចំក្បាល អំឡុងពេលការប្រកួត North London derby កាលពីយប់មិញ។
ដបទឹកសុទ្ធបានគប់ចេញពីចំណោមអ្នកគាំទ្រកំពុងតែឈរ ពេលដែល Alli រត់ទៅយឺតៗ ក្រោយបាត់បាល់។ ភ្លាមៗខ្សែការពាររបស់ Arsenal កីឡាករ Sokratis បានប្រញាប់រត់ទៅការពារ មុនពេល Alli លើម្រាមដៃជាសញ្ញា ២-០ តបទៅកាន់អ្នកគាំទ្រកាំភ្លើងធំ។
កីឡាករជម្រើសអង់គ្លេសបានលើដៃ ២-០ ឌឺទៅកាន់អ្នកគាំទ្រដែលគប់គេ ដើម្បីបញ្ជាក់ថា Spurs កំពុងនាំមុខ។ នេះជាសកម្មភាពដ៏អាក្រក់ ដោយក្នុងខែនេះដូចគ្នាអ្នកគាំទ្រ Spurs ម្នាក់បានគប់សំបកចេកទៅលើកីឡាករ Pierre-Emerick Aubameyang របស់ Arsenal ដែលគេចាត់ទុកជាការរើសអើងពូជសាសន៍។
ចប់ការប្រកួត Spurs បានយកឈ្នះ Arsenal ២-០ ក្នុងវគ្គ៨ក្រុមចុងក្រោយ ឡើងទៅជួប Chelsea វគ្គពាក់កណ្ដាលផ្ដាច់ព្រ័ត្រ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
