ក្តៅ! eSim មកដល់កម្ពុជាមែនទែនហើយ អតិថិជន Smart ត្រៀមតែប្រើទៅចាប់ពីស្អែកនេះ
- 2018-12-21 12:46:26
- ចំនួនមតិ 0 | ចំនួនចែករំលែក 0
ក្តៅ! eSim មកដល់កម្ពុជាមែនទែនហើយ អតិថិជន Smart ត្រៀមតែប្រើទៅចាប់ពីស្អែកនេះ
ចន្លោះមិនឃើញ
ទីបំផុត ក្រុមហ៊ុន Smart Axiata បានសម្រេចសមិទ្ធផលថ្មី ដំបូងគេបង្អស់នៅកម្ពុជាមួយទៀតហើយ ក្នុងការនាំមកជូននៅ eSim ដែលជាបច្ចេកវិទ្យាថ្មីទំនើបបំផុតមួយលំដាប់ពិភពលោក អនុញ្ញាតឲ្យអតិថិជនអាចប្រើ ស៊ីម ដោយមិនចាំបាច់បញ្ចូលបន្ទះស៊ីមកាតទៅក្នុងឧបករណ៍អេឡិចត្រូនិចឡើយ ហើយគេអាចប្រើលេខទូរសព្ទចំនួនពីរខ្សែបានយ៉ាងងាយស្រួល។
ចាប់ពីរសៀលថ្ងៃស្អែកតទៅ អតិថិជន Smart ដែលកំពុងប្រើ ឧបករណ៍អេឡិចត្រូនិកអាចប្រើជាមួយ eSIM រួមមាន ទូរស័ព្ទសេរីថ្មីបំផុតដូចជា iPhone XS, XS Max និង XR អាចទៅចុះឈ្មោះប្រើប្រាស់សេវា Smart eSIM នៅ Smart Shop ផ្លូវមុនី្នវង្សបានហើយ។
លោក ថូម៉ាស់ នាយកប្រតិបត្តិក្រុមហ៊ុន Smart Axiata បានឲ្យដឹងថា៖ «អតិថិជនរបស់ Smart នឹងទទួលបានសេវាកម្មនេះយ៉ាងពេញលេញតែម្ដង ដែលស្របទៅតាមស្ដង់ដាររបស់សមាគមឧស្សាហកម្មអន្តរជាតិនានាដូចជា GSMA ជាដើម។ តាមរយៈការដាក់ឱ្យដំណើរការសេវាកម្មនេះ យើងខ្ញុំបាននឹងកំពុងធ្វើឱ្យក្រុមហ៊ុន Smart និងប្រទេសកម្ពុជាទាំងមូល កាន់តែជឿនលឿនដូចទៅនឹងប្រទេសដែលជឿនលឿនបំផុតក្នុងពិភពលោកផងដែរ»។
«នាពេលអនាគតខាងមុខ eSIM ក៏នឹងមានដាក់បញ្ចូលទៅក្នុងឧបករណ៍ជាច្រើនផ្សេងទៀតផងដែរ ដូចជា laptop ឧបករណ៍ក្មេងលេង រថយន្ត ទូរទឹកកក និងឧបករណ៍ក៏ដូចជាស៊ែនស័រដែលអាចភ្ជាប់ទំនាក់ទំនងគ្នាតាម internetផ្សេងៗទៀតជាច្រើនផងដែរ»។ លោកបញ្ជាក់បន្ថែម។
ព័ត៌មានបន្ថែម និងព័ត៌មានថ្មីៗពីក្រុមហ៊ុន Smart Axiata សូមចូលទៅហ្វេសប៊ុករបស់ www.facebook.com/SmartAxiata ឬ ចូលវិបសាយ www.smart.com.kh៕