ក្រុមហ៊ុនចិនព្រមានបញ្ឈប់បុគ្គលិកដែលទិញ iPhone

2018-12-25 07:37:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនចិនជាច្រើនបាននាំគ្នាឈរនៅខាងក្រុមហ៊ុន Huawei ក្រោយពីក្រុមហ៊ុននេះរងសម្ពាធខ្លាំងកាលពីសប្ដាហ៍ថ្មីៗនេះ ពោលគឺការចាប់ខ្លួនប្រធានផ្នែកហិរញ្ញវត្ថុរបស់ Huawei នៅប្រទេសកាណាដា។

ក្រុមហ៊ុនចិនជាច្រើនបានគំរាមបុគ្គលិកខ្លួនមិនឲ្យទិញ iPhone ប្រើ បើមិនដូច្នោះអាចឈានដល់ការមិនឲ្យប្រាក់រង្វាន់, មិនឲ្យប្រាក់ឈ្នួល ឬរហូតដល់បញ្ឈប់ពីការងារទៀតផង។ សារព័ត៌មាន Nikkei Asian Review បានចុះផ្សាយថា ក្រុមហ៊ុនចិនភាគច្រើនហ៊ានរ៉ាប់រង ១០% ទៅ ២០% ប្រសិនបើបុគ្គលិកទិញ Huawei ប្រើ ហើយក្រុមហ៊ុនមួយចំនួនទៀតហ៊ានរ៉ាប់រងទាំងស្រុង។

ជាងនេះទៅទៀតក្រុមហ៊ុនចិនឈ្មោះ Shanghai Youluoke Electronic and Technology បានផ្ដល់ជូនបុគ្គលិកម្នាក់ៗនូវស្មាតហ្វូន Huawei ថ្មីចំនួនពីរគ្រឿង ខណៈដែលក្រុមហ៊ុន Shenzhen Yidaheng Technology ហ៊ានរ៉ាប់រង ១៨% លើការចំណាយទិញស្មាតហ្វូន Huawei និង ZTE ជំនួសបុគ្គលិក។ ក្រុមហ៊ុនមួយទៀតឈ្មោះ Fuchun Technology ហ៊ានផ្ដល់ឲ្យសាច់ប្រាក់ ៧២,៥ ដុល្លារ ពេលបង្ហាញវិក្កយបត្រទិញស្មាតហ្វូន Huawei។

ការផ្ដល់ជូននេះបានបង្ហាញថា ការប្រើ iPhone នៅប្រទេសចិនលែងមានអត្ថន័យដូចមុន ដែល iPhone ធ្លាប់តំណាងឲ្យភាពស្ដុកស្ដម្ភ និងឡូយឆាយ៕

ចុចអាន៖

ប្រភព៖ 9to5Mac ប្រែសម្រួល៖ សុខហេង