១ជើងរបស់ ធន់ អៀងឡៃ បើសង្គ្រោះមិនទាន់អាចគ្រោះថ្នាក់ដល់ជីវិត

2019-01-02 03:33:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ការទាត់ផ្កាប់ចានរបស់ជើងខ្លាំងកំពុងឡើងកូដ ធន់ អៀងឡៃ ធ្ងន់និងពិតជាមានគ្រោះថ្នាក់មែន ប្រសិនបើគ្រូពេទ្យមិនមានជំនាញច្បាស់លាស់ ឬជួយមិនទាន់នោះទេ អាចនឹងមានគ្រោះថ្នាក់ដល់ជីវិត នាការប្រកួតវគ្គចាញ់ធ្លាក់ពានរង្វាន់ TV5 ថ្ងៃទី៣១ ខែធ្នូ ២០១៨។

សេង គឹមសាន្ត(ក្រហម)

ការប្រកួតរវាង ធន់ អៀងឡៃ និង សេង គឹមសាន្ត កាលពីថ្ងៃទី៣១ នោះសម្រាប់អ្នកទស្សនាគិតមុនប្រកួតថា ប្រហែលជាតានតឹងបន្តិចហើយ ព្រោះស្នៀតប្រយុទ្ធ និងសមត្ថភាពគឺប្រហាក់ប្រហែលគ្នា ខណៈនេះជាការប្រកួតពានរង្វាន់ហើយចាញ់ធ្លាក់ទៀតនោះ។ ប៉ុន្តែអ្វីៗមិនដូចការគិតនោះទេ ដើមទឹកពួកគេមិនសូវជាសម្រុកគ្នាខ្លាំងនោះឡើយ តែដោយសារភ្លាត់ស្នៀតម្នាក់ទាត់ក្រោម ម្នាក់ទៀតទាត់លើ ហើយជើងរបស់ អៀងឡៃ ដល់មុន ធ្វើឲ្យ គឹមសាន្ត សន្លប់ធំតែម្ដង។

សេង គឹមសាន្ត(ក្រហម)

មួយជើងស្ដាំរបស់ អៀងឡៃ ចូលថ្គាមឆ្វេងរបស់ គឹមសាន្ត ធ្វើឲ្យគ្រូពេទ្យសង្គ្រោះយូរគួរសម ដោយត្រូវទាញថ្គាមច្រើនដង និងស្អំទឹកកកមួយសន្ទុះទើបអាចដឹងខ្លួនវិញបាន ប៉ុន្តែត្រូវមានអ្នកគ្រាដើរចេញពីសង្វៀន។

ធន់ អៀងឡៃ ជាកូនសិស្សមកពីសមាគមនប្រដាល់ក្រសួងការពារជាតិ ប្រកួតចុងក្រោយផ្ដួល សេង គឹមសាន្ត ឲ្យសន្លប់ធំក្នុងទឹកទី១ បានឡើងទៅជុំទី៣ នៃវគ្គ ៨នាក់ចុងក្រោយនៃពានរង្វាន់ TV5 ទម្ងន់ ៥៧គីឡូក្រាម៕

វីដេអូប្រកួត៖