នាឡិកាឆ្លាតវៃ អាចឆ្លងមេរោគដែរឬទេ?

2019-01-07 07:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបករណ៍ប្រើប្រាស់ ដូចជាស្មាតហ្វូន កុំព្យូទ័រ រួមទាំងនាឡិកាឆ្លាតវៃដែរ សុទ្ធសឹងតែមានហានិភ័យពីសំណាក់ហេកឃ័រ ចូលសម្ងំយកទិន្នន័យសំខាន់ៗរបស់អ្នកបានរក្សាទុកក្នុងនោះ។

នាឡិកាឆ្លាតវៃភ្ជាប់ទៅកាន់ទូរសព្ទតាមរយៈ Bluetooth ឬ Wi-Fi។ បណ្ដាញទាំងនេះ បានបើកផ្លូវបន្ថែមដល់ក្រុមជនមិនល្អ។ តាមការស្ទង់មតិមួយពី HP បានរកឃើញថា នាឡិកាលក់លើទីផ្សារក្នុងឆ្នាំ ២០១៥ មានបញ្ហាសុវត្ថិភាពធ្ងន់ធ្ងរ។ យ៉ាងណាមិញ បើទិញនាឡិកានាពេលបច្ចុប្បន្ន អាចខុសគ្នា ដោយរាល់ទិន្នន័យផ្លាស់ប្ដូរជាមួយទូរសព្ទត្រូវបានការពារ (Encrypt) ជាពិសេស Apple Watch។

អាចទេនាឡិកាឆ្លាតវៃមានមេរោគ?

ពិតណាស់ បើអ្នកអាចដំឡើងកម្មវិធីលើនោះ ក៏អាចមានភ្ជាប់ជាមួយមេរោគដែរ។ ទីផ្សារនាឡិកាឆ្លាតវៃនេះ នៅតូចនៅឡើយ បើប្រៀបនឹងអ្នកប្រើប្រាស់ Windows ប៉ុន្តែអាចនឹងប្រែប្រួលពេលអនាគត នៅពេលមានអ្នកប្រើប្រាស់ច្រើន ទិន្នន័យសំខាន់ៗក៏ច្រើន ក្រុមហេកឃ័រអាចនឹងដាក់គោលដៅលើឧបករណ៍នេះ។ ក្រុមហ៊ុនបង្កើតកម្មវិធីកម្ចាត់មេរោគមួយចំនួនមានការណែនាំ កុំរក្សាទុកទិន្នន័យសំខាន់ៗរបស់អ្នកលើនាឡិកាឆ្លាតវៃ៕