ជាង ៦ ម៉ឺននាក់ នាំគ្នាជិះ Grab នៅយប់ឆ្លងឆ្នាំ ២០១៨ ចូល ២០១៩

2019-01-08 09:31:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្របពេលដែលយើងបានបិទបញ្ចប់ឆ្នាំចាស់ ២០១៨ ហើយចាប់ផ្ដើមជាមួយឆ្នាំថ្មី តើអ្នកស្ថិតនៅទីណា ហើយចំណាយពេលរាត្រីចុងក្រោយនៃឆ្នាំចាស់ ធ្វើអ្វីខ្លះ? អ្នកប្រហែលជាស្ថិតក្នុងចំណោមមនុស្សប្រមាណជាង ៦៣ ០០០ នាក់ ដែលបានធ្វើដំណើរតាម Grab នៅរាត្រីនោះហើយមើលទៅ!

Grab បានកកាយមើលទិន្នន័យរបស់ខ្លួន ហើយបានពិនិត្យមើលឃើញនូវព័ត៌មានគួរឲ្យចាប់អារម្មណ៍ជាច្រើន ពីរបៀបដែលប្រជាជននៅអាស៊ីអាគ្នេយ៍អបអរឆ្នាំថ្មី។ ការធ្វើដំណើរតាមសេវា Grab មានចំនួនសរុប ៣១ ៤៦៥ ដង នៅទូទាំងតំបន់អាស៊ីអាគ្នេយ៍។ ឧបមាថា ការធ្វើដំណើរមួយលើកមានអ្នកជិះយ៉ាងហោចម្នាក់ និងអ្នកកបើកបរ ដូច្នេះ មានន័យថា មានមនុស្សជាង ៦៣ ០០០ នាក់ បានស្វាគមន៍ឆ្នាំថ្មី ដោយស្ថិតក្នុងយានជំនិះជាមួយ Grab។

ពលរដ្ឋក្នុងតំបន់អាស៊ីអាគ្នេយ៍ក៏បានផ្ញើសារជជែកឆ្លើយឆ្លងគ្នាខ្លាំងផងដែរ នៅរាត្រីឆ្លងឆ្នាំ ដោយសារតាម GrabChat ចំនួនប្រមាណ ៩,៧៥ លានសារ ត្រូវបានផ្ញើឲ្យគ្នាទៅវិញទៅមកចន្លោះពីម៉ោង ៥ ល្ងាច ដល់កណ្ដាលរាត្រីនៃថ្ងៃទី ៣១ ធ្នូ ២០១៨ ដោយក្នុងនោះរាប់បញ្ចូលទាំងសារជារូបភាព និងជាសំឡេងផងដែរ។

ពេលវេលាដែលប្រជាជននៅក្នុងតំបន់អាស៊ីចេញទៅអបអររាត្រីឆ្លងឆ្នាំ គឺប្រមាណជា ម៉ោង ១០ ដល់ ១១ យប់ ដែលចន្លោះពេលនេះ គេបានសង្កេតឃើញថា មានការកើនឡើងខ្លាំងបំផុតនូវការកក់ សេវាធ្វើដំណើរ Grab បើធៀបទៅនឹងថ្ងៃច័ន្ទ ធម្មតា។

មនុស្សភាគច្រើនត្រៀមខ្លួនចូលសម្រាកវិញនៅចន្លោះម៉ោង ១ និងម៉ោង ២ រំលងអាធ្រាត្រ ដែលក្នុង ចន្លោះពេលនោះ គេមិនត្រឹមតែបានសង្កេតឃើញថា ចំនួនកក់សេវាធ្វើដំណើរមានការកើនឡើង ខ្ពស់បំផុតសម្រាប់វេលារំលងអាធ្រាត្រ ហើយក៏មានការកើនឡើងខ្លាំងខ្លាំងបំផុតនូវការកក់សេវាធ្វើដំណើរ បើធៀបទៅនឹងថ្ងៃអង្គារ។

នៅរាជធានីភ្នំពេញ Grab បានសង្កេតឃើញថាការកក់សេវាយានជំនិះកើនឡើង ១៨ ដង នៅម៉ោង ០១ រំលងអាធ្រាត្រ នាថ្ងៃទី ០១ មករា បើធៀបទៅនឹងថ្ងៃអង្គារធម្មតា។ សណ្ឋាគារកាំបូឌីយ៉ាណា ផ្សារទំនើបអ៊ីអនម៉លទី១ និង ណាហ្គាវើល២ ជាគោលដៅធំ សម្រាប់ការអបអរឆ្នាំថ្មី។ ដោយសារតែមានតម្រូវការសេវាយានជំនិះខ្ពស់បែបនៅថ្ងៃឆ្លងឆ្នាំ អ្នកបើកបរម្នាក់របស់ Grab អាចផ្ដល់សេវាដឹកជញ្ជូនបានរហូតដល់ទៅ ២៦ ជើងចន្លោះពីម៉ោង ៥ ល្ងាច ដល់ពាក់កណ្ដាលអាធ្រាត្រនៃថ្ងៃទី ៣១ ធ្នូ ២០១៨។

ខាងក្រោមនេះ គឺជាចំនួននៃការដឹកជញ្ជូនច្រើនដងបំផុតសម្រាប់អ្នកបើកបរម្នាក់នៅតាមទីក្រុងនានា នៅរាត្រីឆ្លងឆ្នាំ៖ ១. បាងកក - ២៤ ដង

២. ហាណូយ - ២៣ ដង

៣. ហ្សាកាតា - ១៩ ដង

៤. Klang Valley - ២៦ ដង

៥. Metro Manila - ២៣ ដង

៦. រាជធានីភ្នំពេញ - ១៨ ដង

៧. សិង្ហបុរី - ២៤ ដង

៨. រ៉ង់ហ្គូន - ១៧ ដង

មានមនុស្សជាច្រើនដែលធ្វើដំណើរទៅជប់លៀងច្រើនកន្លែង ដែលក្នុងនោះអ្នកធ្វើដំណើរជាង ៧០ ០០០ នាក់ ទូទាំងតំបន់អាស៊ីអាគ្នេយ៍ បានជិះយានជំនិះរបស់ Grab ចាប់ពីពីរដងឡើងទៅ ចន្លោះពីម៉ោង ៩ ល្ងាច ដល់ម៉ោង ៣ ទៀបភ្លឺ ហើយមានអ្នកធ្វើដំណើរបីនាក់ ដែលបានជិះរហូតដល់ ទៅ ៨លើកក្នុងរាត្រីនោះ៕

ចុចអាន៖

អត្ថបទ៖ សុខហេង