Kim Kardashian ជះលុយទិញកាបូប LVតម្លៃជាង ១ពាន់ដុល្លារ ឲ្យក្មួយស្រីទាំងអស់
- 2019-01-09 02:11:00
- ចំនួនមតិ 0 | ចំនួនចែករំលែក 0
Kim Kardashian ជះលុយទិញកាបូប LVតម្លៃជាង ១ពាន់ដុល្លារ ឲ្យក្មួយស្រីទាំងអស់
ចន្លោះមិនឃើញ
ជាការពិតណាស់ បើនិយាយរឿងសម្លៀកបំពាក់និងគ្រឿងលំអខ្លួន តារាទូរទស្សន៍ Kim Kardashian គឺមិនខ្លាចនឹងចំណាយទិញរបស់អ្វីដែលនាងពេញចិត្តឡើយ។ ជាមួយគ្នានេះដែរ អ្នកម្ដាយកូន៣រូបនេះ បានចែករំលែករបស់ដែលនាងស្រឡាញ់ទៅកាន់ក្មេងៗជំនាន់ក្រោយក្នុងគ្រួសាររបស់នាង រាប់គិតតាំងក្មេងតូចដែលនៅពរនៅនឹងដៃនៅឡើយ។
បើកបង្ហាញពីកាដូនៅថ្ងៃបុណ្យណូអែល តារាស្រីវ័យ ៣៨ឆ្នាំរូបនេះ បានចែកចាយរូបភាពបណ្ដុំកាបូបម៉ាក Louis Vuitton ដែលត្រូវបានឲ្យដឹងថាលក់រាយក្នុងតម្លៃ ១ ១០០ដុល្លារ។ អមជាមួយរូបភាព Kim Kardashian បានសរសេរពាក្យពេចន៍មួយចំនួនថា៖ "ខ្ញុំទិញរបស់ទាំងនេះពីជប៉ុន ឲ្យក្មេងៗស្រីៗក្នុងគ្រួសារសម្រាប់ថ្ងៃបុណ្យណូអែល"។
ជាមួយគ្នានេះដែរ អ្នកគាំទ្របានសង្កេតឃើញថា កាបូបដែលនាងទិញទាំងអស់មានចំនួនដល់ទៅ ៨ ខណៈ Kim មានកូនស្រីតែ២នាក់ និងក្មួយស្រី ៤នាក់ប៉ុណ្ណោះ។ តាមគណនីបណ្ដាញសង្គមឈ្មោះ Lex បានបញ្ចេញមតិថា៖ "តើខ្ញុំបានភ្លេចឈ្មោះពួកគេមួយចំនួនមែនទេ? ខ្ញុំរាប់ឃើញ P, North, Dream, Chicago. Stormi និង True ចុះ២នាក់ទៀតជានរណាគេ?”
ក្រោយមក Kim ក៏បានឆ្លើយតបវិញថា៖ "អូ! ចាំបន្តិច ខ្ញុំភ្លេចប្រាប់ ខ្ញុំទុក១ សម្រាប់ខ្លួនឯង និង១ទៀត សម្រាប់ពេលអនាគត"៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
