រំភើបពេក Samsung ជ្រុលដៃបង្ហាញរាង Galaxy S10
- 2019-01-11 07:46:56
- ចំនួនមតិ 0 | ចំនួនចែករំលែក 0
រំភើបពេក Samsung ជ្រុលដៃបង្ហាញរាង Galaxy S10
ចន្លោះមិនឃើញ
ជាងមួយខែទៀតទើប Galaxy S10 ប្រកាសចេញជាផ្លូវការ ពោលនៅថ្ងៃទី ២០ ខែកុម្ភៈខាងមុខនេះ។ មុនការប្រកាសនេះ Samsung បែរជាបានជ្រុលដៃបង្ហាញពីរចនាបថថ្មីលើស្មាតហ្វូនត្រកូល Galaxy ជំនាន់ចុងក្រោយ។
លើវិបសាយ Newsroom របស់ក្រុមហ៊ុន Samsung ផ្ទាល់ដែលមានបង្ហាញអំពីផលប្រយោជន៍នៃ One UI គេឃើញថា Samsung បានថ្លោះធ្លោយបញ្ចូលរូបមួយសន្លឹកដែលទំនងជារូបរាងរបស់ Galaxy S10។ រូបរាងរបស់ Galaxy S10 គឺមានស៊ុមអេក្រង់ស្ដើងជាងមុន, មានអេក្រង់រាងកោង និងជាពិសេសគឺមានរន្ធកាមេរ៉ាបង្កប់លើអេក្រង់។
នៅពេលគេចាប់បានចំណុចនេះ Samsung បែរជាបានលុបរូបភាពនោះចេញ ជំនួសមកវិញនូវរូបភាពថ្មី។ រូបភាពថ្មីគឺបង្ហាញពីស្មាតហ្វូនដែលមានស៊ុមអេក្រង់ក្រាស់ជាងមុន និងមិនមានរន្ធកាមេរ៉ា Selfie ដូចមុនឡើយ៕