ចេញរាងច្បាស់ៗ SONY Xperia XZ4 កាមេរ៉ា ៣ គ្រាប់និងមានបច្ចេកវិទ្យា 5G

2019-01-15 02:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Xperia XZ4 នឹងក្លាយជាស្មាតហ្វូនដំបូងរបស់ SONY ដែលមានបំពាក់បច្ចេកវិទ្យា 5G នៅឆ្នាំ ២០១៩។ ស្មាតហ្វូនចុងក្រោយបង្អស់នេះ បានលេចចេញរូបរាងច្បាស់ៗហើយ តាមរយៈការបែកធ្លាយនៃសំបក និងអេក្រង់ផ្នែកខាងមុខ រួមទាំងតួខ្លួនទាំងមូល XZ4 នឹងមានកាមេរ៉ាដល់ទៅ ៣ គ្រាប់ ប៉ុន្តែចំពោះតួនាទីនៃឡេនកាមេរ៉ានិមួយៗមិនទាន់ត្រូវបានទម្លាយឲ្យដឹងនោះទេ។ ។

Xperia XZ4 អាចនឹងមានអេក្រង់៦,៥ អ៊ិញដោយមិនរចនាផ្នែកខាងមុខឆក ឬបង្កប់កាមេរ៉ាលើអេក្រង់(hole in display) នោះទេ ពោលគឺ SONY នៅតែរក្សាការរចនាបថធម្មតាដដែល។ ត្បិតថា ៦,៥ អ៊ិញ បើតាមការប្រៀបធៀបអេក្រង់នេះដែរ មានប្រវែងវែងជាង iPhone Xs Max ទៅទៀត។

រូបបែកធ្លាយសំបកការពារ XZ4

ឯមុខងារផ្សេងៗដែលគេដឹងគឺ វានឹងមានមុខងារសាកថ្មឥតខ្សែកម្លាំង ៤៦,៥ វ៉ាត់ប្រើប្រាស់បន្ទះឈីប Qualcom Snapdragon 855 ដែលទទួលបានពិន្ទុលើកម្មវិធី Antutu ដល់ទៅ ៣៩៥ ៧២១ ពិន្ទុ។

ទោះជាមិនទាន់ប្រកាសចេញផ្លូវការពី SONY តែពិន្ទុប៉ុណ្ណេះ ល្មមអាចឲ្យត្រកូល Sony ឆ្នាំ ២០១៩ នឹងក្លាយជាស្មាតហ្វូនដែលមានល្បឿនដំណើរការលឿនបំផុត ធៀបនឹងស្មាតហ្វូនកំពូលរបស់ Huawei ឬ Apple៕