ស៊ីដាច់គេភឹង? ល្បីថាម៉ូឌែលថ្មី Sony Xperia XZ4 កម្លាំងខ្លាំងមានពិន្ទុវ៉ាដាច់គូប្រជែង

2019-01-02 12:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើមិនទាន់មានការប្រកាសផ្លូវការ ប៉ុន្តែយោងតាមពិន្ទុវាយតម្លៃលើកម្មវិធី AnTuTU ជាមួយលេខកំណែម៉ាស៊ីន I8134 ដែលគេជឿថាជាម៉ូឌែល Xperia XZ4 បានទទួលពិន្ទុសរុបចំនួន ៣៩៥ ៧២១ ពិន្ទុ។

ប្រើប្រាស់បន្ទះឈីប Qualcom Snapdragon 855 ម៉ូឌែលនេះធ្វើបានល្អជាងបន្ទះឈីប Huawei Kirin 980 ដែលទទួលបានប្រហែល ២៧០ ០០០ ពិន្ទុ និង Apple A12 Bionic ទទួលបានប្រហែល ៣៥០ ០០០ ពិន្ទុ។ ជារួមអាចនិយាយបានថាបើក្លាយជាការពិត នោះត្រកូល Sony ឆ្នាំ ២០១៩ នឹងក្លាយជាស្មាតហ្វូនដែលមានល្បឿនដំណើរការលឿនបំផុត ធៀបនឹងស្មាតហ្វូនកំពូលរបស់ Huawei ឬ Apple។

តាមចចាមអារ៉ាមល្ហិចល្ហៀងកន្លងទៅ XZ4 រំពឹងនឹងប្រើប្រាស់អេក្រង់ស្នាមឆក មានមាត្រដ្ឋាន ២១:៩ ដែលមានតួខ្លួនខ្ពស់ជាងប្រភេទអេក្រង់ ១៨:៩ និង ១៩:៩។ បន្ថែមពីនេះនឹងប្រើប្រាស់កាមេរ៉ាខាងក្រោយ ៣ គ្រាប់ជាមួយមុខងារសាកថ្មឥតខ្សែកម្លាំង ៤៦,៥ វ៉ាត់ទៀតផង។