សម្ដីសែនមានន័យហួសថ្លែងពីតួរឿង "បុព្វេសន្និវាស" បញ្ជាក់ស្រឡាញ់ប្រពន្ធលុះអស់ដង្ហើម
- 2019-01-15 02:19:00
- ចំនួនមតិ 0 | ចំនួនចែករំលែក 0
សម្ដីសែនមានន័យហួសថ្លែងពីតួរឿង "បុព្វេសន្និវាស" បញ្ជាក់ស្រឡាញ់ប្រពន្ធលុះអស់ដង្ហើម
ចន្លោះមិនឃើញ
នៅពេលរូបភាពមង្គលការរបស់តារាសម្ដែង Big Sarut បានបែកធ្លាយ អ្នកគាំទ្រជាច្រើនបានចូលរួមអបអរសាទរ ហើយកាន់តែសរសើរនឹងសំណាងរបស់ភរិយាលោក ដែលទទួលបានក្ដីស្រឡាញ់កាត់ថ្លៃមិនបានពី Big ជាស្វាមី។
ក្រោយស្វែងយល់ចិត្តគ្នាអស់រយៈពេល ៧ឆ្នាំ Big ក៏បានកាន់ដៃគូស្នេហ៍ចូលរោងការកាលពីថ្ងៃទី ១២ ខែមករា។ មង្គលការនេះទៀតសោត ប្រារព្ធឡើងនៅផ្ទះរបស់ខាងស្រី ហើយរៀបចំជាលក្ខណៈគ្រួសារធម្មតាទៅតាមប្រពៃណី មិនធំដុំឡើយ។
យ៉ាងណាមិញ បើងាកទៅរម្លឹកពីអ្វីដែល តារាសម្ដែង Big Sarut បានសច្ចាទៅកាន់ឪពុកម្ដាយខាងស្រី ពិតជាទប់ចិត្តមិនរំភើបមិនបានទេ ព្រោះសម្ដីគ្រប់ម៉ាត់គឺលោកផ្ដល់តម្លៃឲ្យភរិយាណាស់។ កូនកំលោះបានសច្ចាថា៖ “ខ្ញុំនឹងធ្វើអ្វីគ្រប់យ៉ាងឲ្យមនុស្សជាទីស្រឡាញ់មានក្ដីសុខ នឹងបង្កើតគ្រួសារដែលពេញដោយសុភមង្គល នឹងព្យាយាមបង្កើតកូនចៅស្នងត្រកូល នឹងព្យាយាមពេញទំហឹង និងព្យាយាមមើលថែគ្រួសារជាងខ្លួន ឲ្យអស់ពីសមត្ថភាពរហូតអស់ដង្ហើម"។ គ្រាន់តែឮភ្លាមអ្នកចូលរួមពិធីនៅពេលនោះ ពិតជាមានការកោតសរសើរនឹងទឹកចិត្តរបស់លោកខ្លាំងបំផុត។
ក្រៅពីនោះ ដើម្បីបង្ហាញពីពេលវេលារីករាយ Big ក៏បានបង្ហោះរូបភាពនៃថ្ងៃមង្គលជ័យរបស់ខ្លួនលើគណនី Instagram ដែរ ព្រមទាំងភ្ជាប់ជាមួយសំណេរខ្លីថា៖ "ថ្ងៃទី ១២ ខែមករា ឆ្នាំ ២០១៩ ថ្ងៃដែលមានក្រុមគ្រួសារជារបស់ខ្លួនឯងជាមួយនឹងមនុស្សដែលជាទីស្រឡាញ់បំផុត អរគុណដែលនៅជាមួយគ្នាតាំងពីថ្ងៃនោះ...រហូតដល់ថ្ងៃនេះ ហើយក៏នឹងបន្តរួមរស់ជាមួយគ្នារហូតដល់ដង្ហើមចុងក្រោយ❤ #youchangedmyworld#youcreatedthebetterone #loveyoumywife#oumbigweddingday”។
តាមរយៈពាក្យពេចន៍សែនមានន័យទាំងនេះ ពិតជាធ្វើឲ្យមនុស្សជាច្រើន រំភើបជាខ្លាំងនឹងភក្ដីស្នេហ៍ដែលអ្នកទាំង ២មានឲ្យគ្នាក្រោយចាប់ដៃគ្នាជាគូជាច្រើនឆ្នាំ។ ពិសេសកោតសរសើរនឹងបេះដូង Big ដែលមានចំពោះប្រពន្ធជាទីស្រឡាញ់៕