រូបភាព​ថ្មី​ស្រឡាង iPhone XI ​មាន​ក្បាល​ឆក​តូច​ជាង​មុន ប្រើ​កាមេរ៉ា​ ៣ គ្រាប់​បែប​ផ្តេក

  • 2019-01-16 12:08:50
  • ចំនួនមតិ 0 | ចំនួនចែករំលែក 1

ចន្លោះមិនឃើញ

តាម​ចចាមអារ៉ាម​ល្ហិចល្ហៀង​ជា​ច្រើន​ជឿ​ថា iPhone សេរ៊ី​ឆ្នាំ ២០១៩ របស់ Apple នឹង​មាន​បំពាក់​កាមេរ៉ា​ក្រោយ​ ៣ គ្រាប់។ ជាមួយ​ការ​រចនា​នៃ Render ថ្មី​មួយ​ផ្សេង​ទៀត​ចេញ​ពី CompareRaja និង Steve Hemmerstoffer បាន​បង្ហាញ​នូវ​រូបភាព iPhone XI មាន​ស្នាម​ឆក​តូច​ជាង​មុន និង​ការ​ផ្លាស់​ទម្រង់​កាមេរ៉ា​ ៣ គ្រាប់​ទៅ​ជា​ជួរ​ដេក​នៅ​កណ្តាល។

រចនាបថ​កាមេរ៉ា​ប្រភេទ​នេះ​ស្រដៀង​ទៅ​នឹង iPhone 7 Plus ឬ iPhone 8 Plus ប៉ុន្តែ​រុញ​ទៅ​ផ្នែក​កណ្តាល​ហាក់​ជា​កូន​កាត់​តាម​ត្រកូល LG V40 ThinQ ទៅ​វិញ។ លើ​ទីតាំង​តែ​មួយ​ក្រៅ​ពី Sensor ​កាមេរ៉ា​នៅ​ផ្នែក​កណ្តាល​ក៏​មាន​គ្រាប់ Flash និង​រន្ធ​ស្រូប​សំឡេង Microphone។ យ៉ាងណាមិញ​ជុំវិញ​ព័ត៌មាន​ថា iPhone XI ផ្លាស់​ទៅ​ប្រើ​រន្ធ USB-C ពុំ​ត្រូវ​បាន​ប្រភព​ហ៊ាន​បញ្ជាក់​ច្បាស់លាស់​នៅ​ឡើយ។

នេះ​ត្រឹម​ជា​រូបភាព (Render) ស្រមើស្រមៃ​ដោយ​អ្នក​រចនា តែ​ដោយ​ការ​ពិត​បែប​ណា​នោះ​យើង​នឹង​បាន​ឃើញ​ផ្ទាល់​ភ្នែក​នា​ព្រឹត្តិការណ៍​ប្រចាំ​ឆ្នាំ​របស់ Apple ដែល​រមែង​ធ្វើ​ឡើង​នា​អំឡុង​ខែ​កញ្ញា​ខាង​មុខ​នេះ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ techmoblog   ប្រែ​សម្រួល៖ កៅ រក្សា