អ៊ីរ៉ង់ផ្គើនអាមេរិកបង្ហោះផ្កាយរណបទៅអវកាស តែទីបំផុតទទួលលទ្ធផលអាម៉ាស់មុខ

2019-01-17 02:28:27
ចំនួនមតិ 0 | ចំនួនចែករំលែក 0

ចន្លោះមិនឃើញ

អ៊ីរ៉ង់បានបាញ់បង្ហោះផ្កាយរណបរបស់ខ្លួនកាលពីថ្ងៃអង្គារទី ១៥ខែមករានេះ បើទោះបីជាអាមេរិកធ្វើការព្រមានកាលពីដើមខែនេះក៏ដោយ។

ប៉ុន្តែជារឿងគួរឲ្យអាម៉ាស់មួយ រដ្ឋមន្ត្រីទំនាក់ទំនងនិងព័ត៌មានបច្ចេកវិទ្យាអ៊ីរ៉ង់លោក Mohammad Jahromi ឲ្យដឹងថា "ផ្កាយរណបនេះ បានទទួលការបរាជ័យដោយសារមិនអាចធ្វើដំណើរក្នុងល្បឿនលឿននៅដំណាក់កាលទី៣ ហើយមិនអាចហោះចូលទៅក្នុងគន្លងនោះទេ។" ទោះជាយ៉ាងនេះក្ដី លោក Jahromi មិនបានអធិប្បាយឲ្យល្អិតល្អន់ជុំវិញបញ្ហាដែលបង្កឲ្យទទួលបរាជ័យនោះទេ ប៉ុន្តែលោកបានអះអាងថាអ៊ីរ៉ង់នឹងធ្វើការបង្ហោះផ្កាយរណបមួយទៀតក្នុងពេលឆាប់ៗនេះ។

គួររំលឹកថា រដ្ឋលេខាធិការអាមេរិកលោក Mike Pompeo បានធ្វើការព្រមានអ៊ីរ៉ង់កាលពីដើមខែនេះជុំវិញការបង្ហោះផ្កាយរណបដែលលោកចោទប្រកាន់ថាជាផ្នែកមួយនៃការអភិវឌ្ឍមីស៊ីលផ្លោងរបស់អ៊ីរ៉ង់ដើម្បីអាចបាញ់មកដល់ដីអាមេរិក។ លើសពីនេះ អាមេរិកក៏បានចេញសេចក្ដីព្រមានមួយថានឹងដាក់ទណ្ឌកម្មបន្ថែមលើអ៊ីរ៉ង់ផងដែរ៕