ចាញ់ Leganes យប់មិញ ធ្វើឲ្យ Real ជួបកំណត់ត្រាអាក្រក់បំផុតក្នុងរយៈពេល ២០ឆ្នាំចុងក្រោយ
- 2019-01-17 12:31:40
- ចំនួនមតិ 0 | ចំនួនចែករំលែក 0
ចាញ់ Leganes យប់មិញ ធ្វើឲ្យ Real ជួបកំណត់ត្រាអាក្រក់បំផុតក្នុងរយៈពេល ២០ឆ្នាំចុងក្រោយ
ចន្លោះមិនឃើញ
ក្លឹបអធិរាជស Real Madrid បានចាញ់ ១០ប្រកួតគិតត្រឹមពេលនេះនៃរដូវកាល ២០១៨/១៩ដែលជាកំណត់ត្រាអាក្រក់មិនធ្លាប់មាន តាំងពីរដូវកាល ១៩៩៨/៩៩ ក្រោយពីចាញ់ក្លឹប Leganes ក្នុងលទ្ធផល ១ ទល់នឹង ០ នៅក្របខ័ណ្ឌ Copa del Rey កាលពីយប់ថ្ងៃពុធកន្លងទៅ។
លើសពីនេះទៅទៀត Real Madrid បានខកខានមិនបានរកគ្រាប់បាល់រយៈពេល ៨ប្រកួត ហើយគេស៊ុតចូលវិញក្នុងរយៈពេល ២០ប្រកួត។
ចំណោមក្លឹបលីគកំពូលអេស្ប៉ាញ មានតែក្លឹប Huesca ប៉ុណ្ណោះដែលរងគ្រាប់បាល់ច្រើនជាងក្លឹប Real Madrid ដោយរងក្នុងចំនួន ៤៤គ្រាប់គ្រប់កម្មវិធី ខណៈ Real វិញ រងគ្រាប់បាល់ចំនួន ៣៧គ្រាប់ ស្មើគ្នានឹងក្លឹប Levante និង Rayo Vallecano។
ក្នុងរដូវកាលមុន Real Madrid បានលេង ៦២ប្រកួត ដោយក្នុងនោះ ឈ្នះ ៣៩ប្រកួត ស្មើ ១៤ប្រកួត និង ចាញ់ ៩ប្រកួត។
គិតត្រឹមពេលនេះ នៅតារាង La Liga ក្លឹបអធិរាជសនេះ កំពុងឈរលេខ ៤ ដោយមាន ៣៣ពិន្ទុ ដោយក្រោមក្រុមកំពូលតារាង Barcelona ចំនួន ១០ពិន្ទុ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
