Tiger Street Football Festival 2019 មណ្ឌលកំពង់ស្ពឺ ទទួលបានការចាប់អារម្មណ៍ ក្រុមកើនឡើង

2019-01-19 09:49:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតកីឡាបាល់ទាត់ Tiger Street Football Festival 2019 មណ្ឌលកំពង់ស្ពឺ ទទួលបានការចាប់អារម្មណ៍ខ្លាំងមែនទែននៅមណ្ឌលនេះ ដោយមានក្រុមកើនឡើងជាងឆ្នាំមុន។

នៅរសៀលថ្ងៃទី១៩នេះដែរ ការចាប់ឆ្នោតនៅមណ្ឌលកំពង់ស្ពឺបានធ្វើឡើងរួចរាល់ហើយ ដោយមណ្ឌលនេះមានក្រុមចូលរួមច្រើនលើសការរំពឹងទុកដល់ទៅ៤៦ក្រុមឯណោះ។ ខណៈដែលដំបូងឡើយគិតថាមានត្រឹមតែ៣៤ក្រុមចូលរួមទេ។ ការកើនឡើងខ្លាំងនេះដែរ គឺបានបង្ហាញថាយុវជននៅក្នុងខេត្តនេះគឺពិតជាចាប់អារម្មណ៍ខ្លាំងចំពោះការប្រកួតពានរង្វាន់ Tiger Street នេះខ្លាំងមែនទែន។

ក្រុមទាំង៤៦នេះ នឹងចាប់ផ្ដើមធ្វើការប្រកួតគ្នាចាប់ពីម៉ោង៧ព្រឹកថ្ងៃស្អែកតទៅ ដើម្បីស្វែងរកក្រុម៤ឡើងទៅលេងនៅរាជធានីភ្នំពេញនៅថ្ងៃទី១៦-១៧ ខែមីនា ដើម្បីប្រជែងយកជយលាភី ដែលមានប្រាក់រង្វាន់សរុប ៥ម៉ឺនដុល្លារអាមេរិក។ មណ្ឌលនេះក្រុមខេត្តកំពង់ស្ពឺ ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។

លោកស្រី ថោង បវរលក្ខិណា នាយកគ្រប់គ្រងស្លាកសញ្ញាផលិតផលស្រាបៀរថៃហ្គ័រ

សម្រាប់ពេលរាត្រីស្អែកនេះក៏មានការប្រគំតន្ត្រី ដែលមានការចូលរួមដោយតារាចម្រៀងល្បីៗ របស់ផលិតកម្ម ហង្សមាស ដូចជាលោក ខេមរៈ សិរីមន្ដ អ្នកនាង ពេជ្រ សោភា សុខ ស្រីនាង ទេព បូព្រឹក្ស ស៊យ រតនៈ និង DJ Maily ផងដែរ។ ការប្រគំតន្ត្រីនេះមានការផ្សាយផ្ទាល់តាមរយៈទូរទស្សន៍រស្មីហង្សមាស។ ស្របពេលការប្រកួតមានផ្សាយផ្ទាល់នៅលើ Page ផ្លូវការរបស់ Tiger Beer ។

លោក ប៉ិច នី នាយកគ្រប់គ្រងសកម្មភាពពាណិជ្ជកម្មស្រាបៀរថាយហ្គ័រ

ជយលាភីប្រចាំមណ្ឌលកំពង់ស្ពឺ៖

ក្រុមលេខ១៖ ១ ០០០ ដុល្លារអាមេរិក
ក្រុមលេខ២៖ ៧០០ ដុល្លារអាមេរិក
ក្រុមលេខ៣៖ ៣៥០ ដុល្លារអាមេរិក
ក្រុមលេខ៤៖ ១៥០ ដុល្លារអាមេរិក

ក្រុមជយលាភីទូទាំងប្រទេស

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅកំពង់ស្អឺមាន៖

មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦ ២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។