Tesla កាត់បន្ថយបុគ្គលិកជាង ៣ ០០០នាក់ ដោយសារបញ្ហាហិរញ្ញវត្ថុ

2019-01-22 03:16:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្ត Tesla កំពុងរៀបចំកាត់បន្ថយបុគ្គលិកប្រមាណ ៧%។ នេះបើតាមអ៊ីមែលមួយដែលលោក Elon Musk ជានាយកប្រតិបត្តិក្រុមហ៊ុនបានផ្ញើរទៅកាន់បុគ្គលិកជាច្រើន។

នេះនឹងធ្វើឲ្យបុគ្គលិកច្រើនជាង ៣ ០០០នាក់ បាត់បង់ការងារធ្វើ ដោយផ្អែកលើទិន្នន័យដកស្រង់ចេញពីសម្ដីលោក Musk កាលឆ្នាំមុនថាមានកម្លាំងពលកម្មប្រមាណ ៤៥ ០០០នាក់។

លោក Musk លើកឡើងថាសំពាធលើប្រាក់ចំណេញ និងមហិច្ឆតាចង់បញ្ចេញរថយន្ត Model 3 តម្លៃទាបតម្រូវតាមគ្រប់ទីផ្សារ ដែលផ្លូវខាងមុខមានការលំបាកខ្លាំង។ ផលិតផលក្រុមហ៊ុន Tesla នៅតែថ្លៃសម្រាប់មនុស្សភាគច្រើន។ លោកបន្ថែមថា មិនមានជម្រើសនោះទេក្នុងការកាត់បន្ថយចំនួនបុគ្គលិកធ្វើការពេញម៉ោង ដោយរក្សាទុកអ្នកពាក់ព័ន្ធក្នុងការផលិតចាំបាច់ប៉ុណ្ណោះ។

យ៉ាងណាមិញលោក Musk មិនបានបញ្ជាក់បុគ្គលិកផ្នែកណាមានហានិភ័យនៃការបាត់បង់ការងារនោះទេ។ ក្នុងសារនោះដែរ លោកក៏បានថ្លែងអំណរគុណដល់ការខិតខំប្រឹងប្រែងរបស់បុគ្គលិកដែលជំនះរាល់ឧបសគ្គនានាកន្លងមកផងដែរ៕