ថៃ បំបែកកំណត់ត្រាពិភពលោក ធ្វើបាយដំណើប និងស្វាយឲ្យភ្ញៀវទេសចរចិន១ម៉ឺននាក់
- 2019-01-21 07:31:28
- ចំនួនមតិ 0 | ចំនួនចែករំលែក 0
ថៃ បំបែកកំណត់ត្រាពិភពលោក ធ្វើបាយដំណើប និងស្វាយឲ្យភ្ញៀវទេសចរចិន១ម៉ឺននាក់
ចន្លោះមិនឃើញ
ភ្ញៀវទេសចរជនជាតិចិនជាង១ម៉ឺននាក់ ត្រូវបានអញ្ជើញឲ្យចូលរួមក្នុងពិធីជប់លៀងមួយនៅក្នុងប្រទេសថៃ កាលពីថ្ងៃពុធកន្លងទៅនេះ ដែលបំបែកកំណត់ត្រាពិភពលោក Guinness World Record សម្រាប់ការបម្រើបាយដំណើប និងស្វាយធំបំផុត។
ព្រឹត្តិការណ៍បំបែកកំណត់ត្រាពិភពលោក «We Care About You» នេះ ត្រូវបានរៀបចំដោយសភានីតិប្បញ្ញត្តិជាតិ និងសមាគមភ្នាក់ងារទេសចរណ៍ថៃ នៅតំបន់ Impact Lakeside លើផ្ទៃដីទំហំ ១,៥សែនម៉ែត្រការ៉េ នៅស្រុក Pak Kret ខេត្ត Nonthaburi ក្នុងគោលបំណងដើម្បីទទួលបានការជឿទុកចិត្តពីភ្ញៀវទេសចរចិន។
យោងតាមរបាយការណ៍បានឲ្យដឹងថា ពិធីជប់លៀងខាងលើបានបម្រើបាយដំណើបប្រហែល ១ ៣៦០គីឡូក្រាម រួមជាមួយនឹងស្វាយ ៦ ០០០ផ្លែ សរុបទម្ងន់ប្រហែល ៤ ០០០ ទៅ ៤ ៥០០ពាន់គីឡូក្រាម។
គួររំលឹកឲ្យដឹងថា កំណត់ត្រាចាស់ត្រូវបានបង្កើតដោយក្រុម Anantara Dubai Culinary Team នៅក្នុងទីក្រុង Dubai កាលពីខែតុលា ឆ្នាំ២០១៦ ជាមួយនឹងការបម្រើអាហារទម្ងន់ ២ ៨៣១គីឡូក្រាម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
