រវល់ជប់លៀងជ័យជម្នះ Pacquiao ជួបសំណាងអាក្រក់ចោរគាស់ផ្ទះ
- 2019-01-22 02:50:30
- ចំនួនមតិ 0 | ចំនួនចែករំលែក 0
រវល់ជប់លៀងជ័យជម្នះ Pacquiao ជួបសំណាងអាក្រក់ចោរគាស់ផ្ទះ
ចន្លោះមិនឃើញ
ផ្ទះរបស់អ្នកប្រដាល់ Manny Pacquiao នៅឯទីក្រុង Los Angeles ត្រូវបានចោរគាស់ចូល ខណៈគេកំពុងអបអរជ័យជម្នះលើ Adrien Broner នៅទីក្រុង Las Vegas។
មន្ត្រីប៉ូលិសបានប្រទះឃើញទ្វារផ្ទះរបស់ Pacman ចំហកាលពីយប់ថ្ងៃអាទិត្យ ខណៈអ្នកប្រដាល់ហ្វីលីពីនកំពុងនៅឆ្ងាយ។ Pacquiao ដែលឈានចូលវ័យ៤០ឆ្នាំកាលពីខែមុន បានឈ្នះពិន្ទុលើ Broner ការពារខ្សែក្រវាត់ WBA welterweight ប៉ុន្តែសំណាងអាក្រក់ ផ្ទះរបស់កំពូលអ្នកប្រដាល់រូបនេះត្រូវបានជនឱកាសនិយមគាស់លួចចូល។
រហូតដល់ពេលនេះគេមិនទាន់ដឹងចោរបានលួចយកសម្ភារៈអ្វីខ្លះពីក្នុងផ្ទះនៅឡើយទេ។ រំឭកថា ក្រោយបញ្ចប់ការប្រកួត Pacquiao បានបបួល Floyd Mayweather ប្រកួតសងសឹក បន្ទាប់ពីចាញ់កាលពីឆ្នាំ២០១៥៕