ជើងខ្លាំងកំពង់ឆ្នាំង ប្រាប់ក្បួននាំក្រុមលើកពាន Tiger Street Football Festival 2019 នៅកំពង់ស្ពឺ

2019-01-23 01:44:59
ចំនួនមតិ 0 | ចំនួនចែករំលែក 0

ចន្លោះមិនឃើញ

Pitou FC ជាក្រុមមកពីខេត្តកំពង់ឆ្នាំង មកចូលរួមប្រកួតពានរង្វាន់ Tiger Street Football Festival 2019 នៅមណ្ឌលកំពង់ស្អឺ ហើយក៏មានឱកាសបានឈ្នះបានលេខ១នៅមណ្ឌលនេះតែម្ដង។

ក្រុមដែលមានអ្នកចាំទីចាស់វស្សាខាងលើនេះ ចូលរួមប្រកួតពានរង្វាន់Tiger Street Football Festival 2019 ២ដងមកហើយ។ ក្នុងនោះ លើកទី១ ពួកគេបានលេខ២ និងលើកទី២ឆ្នាំនេះទទួលបានលេខ១ ក្រោយពីបំបាក់ក្រុមខ្លាំងជាច្រើននៅខេត្តកំពង់ស្ពឺ។ កីឡាករ វិបុល សុខារ័ត្ន សមាជិកម្នាក់ក្នុងក្រុម Pitou FC បានបង្ហើបគន្លឹះដែលពួកគេទទួលបានជោគជ័យនេះថា៖ “ដោយសារតែផ្លូវឆ្ងាយ ពួកខ្ញុំអស់កម្លាំងបន្តិចដែរ តែក្រោមការដឹកនាំក្រុមបានយ៉ាងល្អពីសំណាក់ប្រធានក្រុមទើបយើងអាចទទួលបានលទ្ធផលល្អនេះ។ យើងស្ដាប់ប្រធានក្រុមនៅលើទីលាន យើងជឿជាក់លើការសម្រេចចិត្តរបស់គាត់។ ការលេងសហការគ្នាល្អ យល់ចិត្តគ្នា ទើបយើងទទួលបានលទ្ធផលល្អដូច្នេះ”។

នៅមណ្ឌលកំពង់ស្អឺនេះ ក្រុមទាំង៤ដែលមានឱកាសឡើងវគ្គផ្ដាច់ព្រ័ត្រទូទាំងប្រទេសនៅថ្ងៃទី១៦-១៧ ខែមីនា ដើម្បីប្រជែងយកជយលាភី ដែលមានប្រាក់រង្វាន់សរុប ៥ម៉ឺនដុល្លារអាមេរិកបន្ដរួមមាន Pitou FC លេខ១, Avatar លេខ២ , Black Lion លេខ៣និងត្រពាំងលើលេខ៤។

ជយលាភីប្រចាំមណ្ឌលកំពង់ស្ពឺ៖

ក្រុមលេខ១៖ ១ ០០០ ដុល្លារអាមេរិក
ក្រុមលេខ២៖ ៧០០ ដុល្លារអាមេរិក
ក្រុមលេខ៣៖ ៣៥០ ដុល្លារអាមេរិក
ក្រុមលេខ៤៖ ១៥០ ដុល្លារអាមេរិក

ក្រុមជយលាភីទូទាំងប្រទេស

ក្រុមលេខ១៖ ១ ៥០០០ ដុល្លារអាមេរិក
ក្រុមលេខ២៖ ៥ ០០០ ដុល្លារអាមេរិក
ក្រុមលេខ៣៖ ២ ៥០០ ដុល្លារអាមេរិក
ក្រុមលេខ៤៖ ១ ០០០ ដុល្លារអាមេរិក

មណ្ឌលបន្ទាប់ពីបញ្ចប់នៅកំពង់ស្អឺមាន៖

មណ្ឌល ខេត្តបាត់ដំបង ៖ មណ្ឌលនេះក្រុមខេត្តបាត់ដំបង ពោធិ៍សាត់ កំពង់ឆ្នាំង ប៉ៃលិន បន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២៦ ២៧ ខែមករា។
មណ្ឌល ក្រុងប៉ោយប៉ែត ៖ មណ្ឌលនេះក្រុមខេត្តក្រុងប៉ោយប៉ែត ប៉ៃលិន និងបន្ទាយមានជ័យមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី២ ៣ ខែកុម្ភៈ។
មណ្ឌល ខេត្តសៀមរាប ៖ មណ្ឌលនេះក្រុមខេត្តសៀមរាប ឧត្តរមានជ័យ ព្រះវិហារ និងកំពង់ធំមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៨ ៩ ១០ ខែកុម្ភៈ។
មណ្ឌល ខេត្តកំពង់ចាម ៖ មណ្ឌលនេះក្រុមខេត្តកំពង់ចាម ក្រចេះ ស្ទឹងត្រែង រតនគីរី មណ្ឌលគីរី ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី១៦ ១៧ ខែកុម្ភៈ។
មណ្ឌល ខេត្តកណ្ដាល ៖ មណ្ឌលនេះក្រុមខេត្តកណ្ដាល ព្រៃវែង និងស្វាយរៀងមានសិទ្ធិចុះឈ្មោះចូលរួមប្រកួតបាន។ ប្រកួតថ្ងៃទី៣ ខែមីនា។
មណ្ឌល រាជធានីភ្នំពេញ ៖ ក្រុមនៅរាជធានីភ្នំពេញមានសិទ្ធិចុះឈ្មោះចូលរួមប្រកួត។ ប្រកួតថ្ងៃទី១៣ ១៤ ១៥ ខែមីនា។
ប្រកួតជុំផ្ដាច់ព្រ័ត្រទូទាំងប្រទេស ៖ ថ្ងៃទី១៦ ១៧ ខែមីនា នៅរាជធានីភ្នំពេញ។