Apple ប្រកាសរកជើងខ្លាំង ១០ រូបថតរូបដោយប្រើ iPhone បានស្អាតជាងគេ

2019-01-23 02:25:34
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple បានចេញសេចក្ដីថ្លែងការណ៍មួយប្រកាសពីការប្រកួតថ្មី ដើម្បីស្វែងរកជើងខ្លាំង ១០ រូបអាចថតរូបដោយប្រើ iPhone បានស្អាតជាងគេ។

ការប្រកួតនេះនឹងធ្វើឡើងចាប់ពីថ្ងៃទី ២២ ខែមករា ដល់ថ្ងៃទី ៧ ខែកុម្ភៈ ដោយរូបភាពដែលចូលរួមប្រកួតនឹងត្រូវវាយតម្លៃដាក់ពិន្ទុពីគណៈកម្មការចំនួន ១១ រូបនៅជុំវិញពិភពលោក រួមមានលោក Peter Souza ដែលជាអ្នកថតរូបប្រចាំសេតវិមានក្រោយរដ្ឋបាលលោក Barack Obama ផងដែរ។

រូបភាពដែលឈ្នះទាំង ១០ នឹងត្រូវបង្ហាញមុខលើវិបសាយព័ត៌មានរបស់ Apple, គណនី Instagram Apple, លើវិបសាយ Apple.com, នៅក្នុងហាងលក់រាយផលិតផល Apple, លើគណនី WeChat Apple, គណនី Twitter Apple, គណនី Weibo Apple និងលើផ្ទាំងពាណិជ្ជកម្មលើជុំវិញពិភពលោកទៀតផង។

ដើម្បីចូលរួមក្នុងការប្រកួតនេះ គ្រាន់តែបង្ហោះរូបភាពលើគណនី Twitter ឬ Instagram របស់ខ្លួន ដោយប្រើប្រាស់ Hashtag #ShotOniPhone។ អ្នកប្រើប្រាស់ Weibo ក៏អាចចូលរួមដោយប្រើ Tag #ShotoniPhone#។ បន្ថែមពីនេះអ្នកអាចដាក់ប្រកួតរូបភាពមានកម្រិត Resolution ខ្ពស់តាមរយៈអ៊ីមែល shotoniphone@apple.com ដោយប្រើ format “firstname_lastname_iphonemodel”។

នៅក្នុង Caption នៃរូបភាពត្រូវបញ្ជាក់ថាថតដោយ iPhone ម៉ូដែលណា ហើយរូបភាពអាចជារូបភាព Original គ្មានការកែកុន ឬអាចកែកុនតាមរយៈកម្មវិធី Photos របស់ Apple ឬកែតាមកម្មវិធីផ្សេងក៏បាន។ បញ្ជាក់ថាត្រូវមានអាយុ ១៨ ឆ្នាំឡើងទើបអាចចូលរួមបាន ហើយអ្នកឈ្នះនឹងត្រូវប្រកាសឲ្យដឹងនៅថ្ងៃទី ២៦ ខែកុម្ភៈ ឆ្នាំ ២០១៩៕

ចុចអាន៖

ប្រភព៖ 9to5Mac ប្រែសម្រួល៖ សុខហេង