Vivo គ្រវាត់ចោលកាមេរ៉ា Selfie ដើម្បីផលិតស្មាតហ្វូនអេក្រង់លាតកប់
- 2019-01-25 03:16:03
- ចំនួនមតិ 0 | ចំនួនចែករំលែក 0
Vivo គ្រវាត់ចោលកាមេរ៉ា Selfie ដើម្បីផលិតស្មាតហ្វូនអេក្រង់លាតកប់
ចន្លោះមិនឃើញ
Vivo បានបង្ហាញចេញនូវ Concept ស្មាតហ្វូនម៉ូដែល Apex 2019 ជា Concept ជំនាន់ថ្មីបន្ទាប់ពី Apex 2018 បង្ហាញកាលពីឆ្នាំ ២០១៨ កន្លងទៅ ដែលមានកាមេរ៉ា Selfie បង្កប់ក្នុងតួម៉ាស៊ីន។
Vivo Apex 2019 នេះមានអេក្រង់លាតពេញផ្ទៃខាងមុខ ដោយមិនមានប៊ូតុង ឬរន្ធសម្រាប់ដោតនោះទេ។ រន្ធសាកថ្មត្រូវបានជំនួសដោយ Connector ដែកឆក់នៅផ្នែកខាងក្រោយ ដែលអាចប្រើសម្រាប់ផ្ទេរឯកសារបាន។
ស្មាតហ្វូននេះមានប្រើប្រាស់បន្ទះឈីប Snapdragon 855 ដែលអាចទ្រាំទ្រនូវសេវា 5G, មានអង្គផ្ទុកទិន្នន័យក្នុងម៉ាស៊ីនទំហំ ២៥៦ GB និងមាន RAM ទំហំ ១២ GB ឯណោះ។ កាមេរ៉ាខាងក្រោយមានចំនួនពីរគ្រាប់ ប៉ុន្តែ Vivo មិនបានប្រាប់ពីលក្ខណៈសម្បត្តិនោះទេ ដោយយល់ថានេះត្រឹមជាស្មាតហ្វូន Concept មិនផលិតលក់។
ចំណែកកាមេរ៉ាសម្រាប់ថត Selfie មិនឃើញមាននោះទេ ដោយ Vivo បាននិយាយថាចង់ឲ្យគ្រប់គ្នាផ្ដោតលើការច្នៃប្រឌិតដទៃទៀតលើ Apex 2019 ជាជាងកាមេរ៉ានេះ។
មុខងារគួរឲ្យចាប់អារម្មណ៍បំផុតមួយ គឺទ្រនាប់ស្កេនម្រាមដៃលើអេក្រង់ ដែលមានគ្រប់ទីកន្លែងលើអេក្រង់ ពោលចង់ស្កេននៅផ្នែកណាក៏បាន។
បច្ចេកវិទ្យាមួយទៀតដែលបានបង្កប់លើអេក្រង់របស់ Apex 2019 គឺ "Body Soundcasting” ដែលអាចធ្វើឲ្យអេក្រង់ដើរតួជំនួសរន្ធបំពងសំឡេងបាន។ Vivo នឹងយក Concept នេះទៅដាក់បង្ហាញក្នុងកម្មវិធី MWC នាខែកុម្ភៈខាងមុខនេះ៕
ចុចអាន៖