អ្នកណាមិនភ្ញាក់! ស្ងាត់ៗ ឃើញ Angelina នាំកូនៗអង្គុយលក់ចំណីតាមផ្លូវ

2019-01-27 03:25:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងភ្ញាក់ផ្អើលមួយសម្រាប់មហាជនទូទៅ ពេលឃើញរូបភាពដែលតារាសម្ដែង Sarah Ramos បង្ហោះកាលពីពេលថ្មីៗ ស្ដែងពីសកម្មភាពរបស់កំពូលតារាហូលីវូដ Angelina Jolie និងកូនៗអង្គុយលក់នំ។

Sarah Ramos តួស្រីក្នុងរឿង "Parenthood” បានបង្ហោះរូបភាពមួយចំនួន ពេលនាងប្រទះឃើញ Angelina Jolie និងកូន ៣នាក់ អង្គុយលើចិញ្ចើមផ្លូវនៅសួនច្បារ និងមានតុមួយសុទ្ធតែអាហារសរីរាង្គសម្រាប់សុនខ។ រូបថតនេះ ថតបានតាំងពីខែវិច្ឆិកា ឆ្នាំមុន ប៉ុន្តែ Sarah ទើបតែដាច់ចិត្តបង្ហោះលើអ៊ីនធើណិត រហូតបង្កការភ្ញាក់ផ្អើលពេញបណ្ដាញសង្គម។

សម្រាប់រូបភាពនេះទៀតសោត Sarah បានបញ្ជាក់ដែរថា៖ "រូបភាពនេះថតតាំងពីខែវិច្ឆិកា ឆ្នាំមុន។ នៅពេលនោះ ខ្ញុំនឹកឃើញថា ត្រូវតែគោរពជីវិតឯកជន និងគ្រួសាររបស់ Anglina ដូចនេះទើបខ្ញុំសម្រេចមិនបង្ហោះភ្លាមៗ។ មើលតែខោអាវខ្ញុំទៅ ដូចអ្នកបានឃើញស្រាប់ នៅពេលខ្ញុំទៅសួន ខ្ញុំមិនរំពឹងថាបានជួប Angelina ទេ”។

យ៉ាងណាមិញ បើងាកទៅ អ្នកម្ដាយកូន ៦វិញ មិនដែលប្រកាន់ខ្លួនឡើយ ទោះបីមានឈ្មោះជាតារាល្បី ប៉ុន្តែជារឿយៗ នាងតែងនាំកូនៗ ធ្វើរឿងសាមញ្ញៗ និងមានប្រយោជន៍សម្រាប់សង្គមដូចពេលនេះជាដើម។ Angelina និងកូន ៣នាក់បានជ្រើសទីតាំងកណ្ដាលសួនច្បារ ដើម្បីអង្គុយលក់ចំណីសត្វ។