Messi រកបានគ្រាប់ទី២៦រដូវកាលនេះក្នុងប្រកួត Barca ឈ្នះ Girona
- 2019-01-28 01:44:08
- ចំនួនមតិ 0 | ចំនួនចែករំលែក 0
Messi រកបានគ្រាប់ទី២៦រដូវកាលនេះក្នុងប្រកួត Barca ឈ្នះ Girona
ចន្លោះមិនឃើញ
Barcelona បានយកឈ្នះ Girona ដែលមានគ្នាត្រឹម១០នាក់ដោយលទ្ធផល ២-០ ដើម្បីបន្តឈ្នះកំពូលតារាងដាច់ Atletico Madrid ចំនួន៥ពិន្ទុ។
ការប្រកួត La Liga សប្ដាហ៍ទី២១កាលពីយប់មិញ Nélson Semedo គឺជាអ្នករកគ្រាប់ទី១ឲ្យក្រុមយក្សកាតាឡាន់គឺធ្វើបាននៅ៩នាទីពេលចាប់ផ្ដើមការប្រកួត ហើយនៅក្រោយពេល Bernardo របស់ Girona បានកាតក្រហមបណ្ដេញចេញ Barca បានបន្ថែម១គ្រាប់ទៀតដោយ Lionel Messi នៅនាទី៦៨។
Messi ពេលនេះរកបាន២៦គ្រាប់ហើយគិតលើគ្រប់កម្មវិធីនៅរដូវកាលនេះ។ បើគិតតែ La Liga វិញតារាជើងស៊ុតសញ្ជាតិអាហ្សង់ទីនស៊ុតបញ្ចូលទី១៩គ្រាប់កំពុងនាំមុខក្នុងតារាងស្បែកជើងមាសរបស់លីគកំពូលអេស្ប៉ាញ តាមពីក្រោយដោយមិត្តរួមក្រុម Luis Suarez មានចំនួន១៥គ្រាប់ក្នុងដៃ៕