សង្ស័យ Apple ចង់បញ្ចេញ iPad ធូរថ្លៃ ៦ ម៉ូដែលនាពាក់កណ្ដាលឆ្នាំនេះ

2019-01-28 03:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បើតាមរបាយការណ៍របស់ MySmartPrice's Discovery ក្រុមហ៊ុមផ្លែប៉ោម Apple របស់អាមេរិក អាចនឹងបញ្ចេញឧបករណ៍អេឡិចត្រូនិកថ្មីរបស់ខ្លួនចំនួន ៦ ម៉ូដែល ដែលមានលេខ A2123, A2124, A2153, A2154, A2133 និង A2152 ដែលគេសង្ស័យថាជាលេខកូដរបស់ iPad ៩,៧ អ៊ីញធុនកណ្ដាលដែលមានតម្លៃទាប និង iPad Mini ដែលខកខានចេញតាំងពីឆ្នាំ ២០១៥ មកនោះ។

ការបែកធ្លាយចេញលេខកូដ iPad ស៊េរីថ្មីទាំងនេះ ដោយសារតែ Apple បានដាក់ពាក្យស្នើសុំទៅគណៈកម្មការសេដ្ឋកិច្ចរបស់ទ្វីបអាស៊ី និងអឺរ៉ុប Eurasian Economic Commsion (EEC) ដើម្បីទទួលសិទ្ធិក្នុងការចរាចរណ៍ឧបករណ៍របស់ខ្លួននេះ ដែលសង្ស័យថានឹងត្រូវចេញលក់នាពាក់កណ្ដាលឆ្នាំនេះ។ លើសពីនេះទៅទៀត គេក៏បានទទួលដំណឹងមកថា iPad ទាំង ៦ ម៉ូដែលនេះ មានមួយជា iPad តម្លៃធូរថ្លៃ ដែលស្នងពី iPad ៩,៧ អ៊ីញឆ្នាំមុន តែលើកនេះ វាអាចមានទំហំដល់ទៅ ១០ អ៊ីញជាង។

បន្ថែមពីលើពាក្យចចាមអារ៉ាមទាំងនេះ លោក Ming-Chi Kuo អ្នកវិភាគ ដែលទស្សន៍ទាយពីផលិតផលថ្មី Apple ដែលត្រូវសឹងតែទាំងអស់នោះក៏បានលើកឡើងតាំងតែពីខែតុលាឆ្នាំ ២០១៨ ថា iPad Mini 5 ដែលនឹងស្នង iPad Mini 4 ពីឆ្នាំ ២០១៥ នោះ នឹងចេញនាដើមឆ្នាំ ២០១៩ នេះ។

សូមបញ្ជាក់ផងដែរថា ថ្មីៗនេះមានពាក្យចចាមអារ៉ាមជាច្រើន អំពីផលិតផលថ្មីរបស់ Apple ទាំងម៉ូដែលសម្រាប់ស្នងសិស្សច្បងចាស់ និងផលិតផលថ្មី ដែលមិនទាន់ធ្លាប់ចេញលក់សោះ មានដូចជា កាសឥតខ្សែ AirPods 2, ឆ្នាំងសាកមិនប្រើខ្សែ AirPower ហើយពេលនេះគឺ iPad ធុនកណ្ដាល និង iPad Mini ថ្មី។

ចុចអាន៖

ប្រភព៖ Bgr ប្រែសម្រួល៖ ផាត សុវត្ថិ