ក្រសួងការពារជាតិ បរាជ័យក្នុងការចុះកុងត្រាយកកីឡាករកូរ៉េខាងជើងថ្មីៗហើយ
- 2019-01-28 03:55:59
- ចំនួនមតិ 0 | ចំនួនចែករំលែក 0
ក្រសួងការពារជាតិ បរាជ័យក្នុងការចុះកុងត្រាយកកីឡាករកូរ៉េខាងជើងថ្មីៗហើយ
ចន្លោះមិនឃើញ
គោលបំណងយកកីឡាករកូរ៉េខាងជើងមករួមក្រុមរបស់ ក្រសួងការពារជាតិ បានបរាជ័យហើយ ក្រោមពីការចរចាគ្នាមិនត្រូវ។
បើតាមការបញ្ជាក់របស់លោក ភា សុភក្ត្រា ដែលជាគ្រូបង្វឹកក្រុមរបស់ក្រសួងការពារជាតិ គឺក្រុមរបស់លោកបានចរចាយកកីឡាករកូរ៉េខាងជើងល្អៗមកពង្រឹងក្រុមនៅរដូវកាលថ្មីខាងមុខ។ យ៉ាងណាមិញ ការចរចានោះប្រើពេលច្រើនដែរ ប៉ុន្តែលទ្ធផលមិនបានល្អឡើយ ពោលគឺពួកគេមិនអាចយកកីឡាករកូរ៉េខាងជើងនោះមកបានឡើយ។ ទន្ទឹមគ្នានឹងការមិនយកបានកីឡាករកូរ៉េខាងជើងនេះ ក្រុមក្រសួងការពារជាតិក៏កំពុងតេស្ដមើលកីឡាករបរទេសផ្សេងៗទៀតដែរ។
រំលឹកថាក្រសួងការពារជាតិ ធ្លាប់យកកីឡាករកូរ៉េខាងជើងមករួមក្រុម និងទទួលបានលទ្ធផលល្អដែរ កាលពីឆ្នាំ២០១៧។ រហូតដល់ឆ្នាំ២០១៨កន្លងទៅ ពួកគេបានប្ដូរយកកីឡាករបរទេសផ្សេងវិញ។ ចំពោះកីឡាករកូរ៉េខាងជើងនេះ ប្រសិនបើយកពួកគេ គឺក្រុមទាំងមូលតម្រូវឱ្យយកកីឡាករកូរ៉េខាងជើងទាំងអស់តែម្ដង៕