ជប៉ុនលត់អ៉ីរ៉ង់ ៣-០ ឡើងវគ្គផ្តាច់ព្រ័ត្រ Asian Cup 2019

2019-01-29 01:31:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមខ្លាំងប្រចាំអាស៊ីជប៉ុនបានបង្កើតការចាប់អារម្មណ៍កាលពីយប់មិញតាមរយៈជ័យជម្នះលើក្រុមខ្លាំងអ៊ីរ៉ង់ដោយលទ្ធផលតដៃមិនរួច ៣-០ ដើម្បីឡើងទៅវគ្គផ្តាច់ព្រ័ត្រជើងឯកអាស៊ី Asian Cup 2019។

កីឡាករជប៉ុនអបអរគ្រាប់បាល់ (រូបថត៖ japantimes)

ការប្រកួតវគ្គពាក់កណ្តាលផ្តាច់ព្រ័ត្រកាលពីយប់មិញមិនមានគ្រាប់បាល់ឡើយក្នុង៤៥នាទីដំបូង ប៉ុន្តែចូលវគ្គទី២ជប៉ុនបានបង្ហាញសមត្ថភាពដ៏អស្ចារ្យដើម្បីបំប៉ោងសំណាញ់ទីរបស់អ៊ីរ៉ង់រហូតដល់៣គ្រាប់ដែលកើតចេញពីកីឡាករ Yuya Osako ២គ្រាប់គឺនាទីទី៥៦ និងប៉េណាល់ទី១១ម៉ែត្រនៅនាទីទី៦៧ ហើយនៅចុងម៉ោង Genki Haraguchi ស៊ុតគ្រាប់ទី៣។

ជប៉ុនត្រូវបានគេមើលឃើញថា កាលពីវគ្គសន្សំពិន្ទុក្នុងពូល និងវគ្គចាញ់ធ្លាក់ ឈ្នះឡើងមិនសូវជាបង្ហាញទម្រង់លេងគួរឲ្យចាប់អារម្មណ៍ខ្លាំងប៉ុន្មានទេ ប៉ុន្តែនៅវគ្គពាក់កណ្តាលពិតជាគួរឲ្យចាប់អារម្មណ៍ខ្លាំងនៅពេលជួបដៃគូខ្លាំងដូចគ្នា។ ម្យ៉ាងទៀត នៅពេលជប៉ុនលេងជាមួយក្រុមខ្សោយក៏លេងលក្ខណៈធម្មតាដែរ ប៉ុន្តែប៉ះក្រុមខ្លាំងកាន់តែខ្លាំង៕